जनताको सम्बृद्धिको आकांक्षा पुरा गर्न दलहरु चुकेको डा. भट्टराईको दावी

२४ बैशाख, हेटौंडा । पूर्व प्रधानमन्त्री एवं नेपाल समाजवादी पार्टीका अध्यक्ष डा. बाबुराम भट्टराईले पुराना दलहरुले ठुला राजनितिक परिवर्तन गरे पनि जनताको तिव्र विकास र सम्बृद्धिको आकांक्षा पुरा गर्न नसक्दा नयाँ विकल्पहरु अगाडी आएको बताएका छन् ।
आइतबार हेटौंडामा पत्रकारहरुसँग कुरा गर्दै डा. भट्टराईले संघीय लोकतान्त्रिक गणतन्त्रको स्थापना पछि त्यसको जगमा उभिएर जनतालाई सुशासन, विकास र सम्बृद्धि दिनुपर्नेमा प्रमुखदलहरु चुकेको बताए ।
उनले पछिल्लो चरणमा जनताको अवस्था परिवर्तन गर्न भएको ढिलाईको कारण बढेको बिकृतिर विसंगतीले नयाँ शक्तिहरु जन्मिएको दावी गरे । डा. भट्टराईले ती शक्तिहरु अहिले देखिएको खाली ठाउँमा भरिन आईपुगे. पनि उनीहरुसँग भएको उदेश्य सहि नभएको आरोप लगाए । 
उनले तत्काल जनतामा भ्रम छर्ने र जनतालाई गलत दिशामा मोड्ने प्रवृतिले देशमा  झन खतरा बढ्ने र देश झनै ठूलो खाड्लमा जाने दावी गरे ।
पूर्व प्रधानमन्त्री भट्टराईले वर्तमान संकटको समाधान समान्य ढंगबाट नहुने दावी पनि गरे । उनले वर्तमान समस्या समाधानको लागी परिवर्तनपछि पनि निरन्तर रहेको संरचनागत र संस्थागत परिवर्तन आवस्यक रहेकोमा जोड दिए । उनले अहिलेको संकट समाधानको लागी सबै मिलेर समाधान गर्न तर्फ लाग्नुपर्ने पनि बताए ।
एक अर्को प्रशंगमा पूर्व प्रधानमन्त्री भट्टराईले पछिल्लो समय देशमा देखिएको नक्कली भुटानी शरणार्थी प्रकरणको सही ढंगबाट छानविन गर्नुपर्ने बताए । उनले विभिन्न समयमा देशमा यस्तौ थुप्रै प्रकरणहरु रहेका बताउँदै सबैको उचित ढंगबाट छानविन गरेर निश्कर्षमा पुग्नुपर्नेमा जोड दिए ।