एमपिएचडि परियोजनाबारे प्रदेशस्तरीय परिचयात्मक कार्यक्रम सम्पन्न

४ जेठ, हेटौंडा । मोमेन्टम प्राईभेट हेल्थकेयर डेलिभरी (एमपिएचडि) नेपाल परियोजनाबारे प्रदेशस्तरीय परिचयात्मक कार्यक्रम हेटौंडामा सम्पन्न भएको छ ।
बागमती प्रदेश स्वास्थ्य मन्त्रालयका सचिव बद्रीबहादुर खड्काको प्रमुख आतिथ्यता एवं स्वास्थ्य निर्देशनालयका निर्देशक महेश्वर श्रेष्ठको सभाध्यक्षतामा कार्यक्रम भएको हो ।
कार्यक्रममा निर्देशनालयका बरिष्ठ जनस्वास्थ्य प्रशासक सतिश विष्टले प्रदेशमा परिवार नियोजन सेवाको अवस्था, स्वास्थ्य आपूर्ति व्यवस्थापन केन्द्रका प्रमुख बसन्त अधिकारीले आपूर्ति केन्द्रबाट परिवार नियोजनका साधनको आपूर्तिको अवस्थाबारे प्रस्तुति गरेका थिए । कार्यक्रममा परियोजनाबारे सन्दिप देवकोटाले जानकारी गराएका थिए ।
कार्यक्रममा प्रदेश नीति तथा योजना आयोगका उपाध्यक्ष नरविक्रम थापा, प्रदेश लोकसेवा आयोगका सदस्य शर्मिला न्यौपाने, मदन भण्डारी स्वास्थ्य विज्ञान प्रतिष्ठानका डिन दुर्गा खड्का मिश्र, निर्देशनालयकि परिवार नियोजन अधिकृत दुर्गा बजगाई लगायतले मन्तव्य व्यक्त गरेका थिए ।
कार्यक्रममा स्वास्थ्य मन्त्रालय अन्तरगतका विभिन्न निकाय, स्वास्थ्यकर्मी, औषधि व्यवसायी, स्थानीय तहका प्रतिनिधि, संचारकर्मी लगायतको उपस्थिति रहेको थियो ।