बागमती प्रदेश सरकार विस्तार: ६ मन्त्रीले लिए सपथ

७ जेठ हेटौंडा । सालिकराम जम्कट्टेल नेतृत्व      बागमती प्रदेश बिस्तर भएको छ । आइतबार मन्त्रिमण्डल बिस्तर भएसँगै मन्त्रिपरिषदले पूर्णता पाएको छ । जम्कट्टेल नेतृत्व सरकारमा नेपाली कांग्रेसको ४ र एकीकृत समाजवादीको २ जना मन्त्रिले सपथ लिएसँग प्रदेश मन्त्रिपरिषदले पूर्णता पाएको हो ।
प्रदेशमा कांगेसबाट रामकृष्ण चित्रकार, पुकार महर्जन, उत्तम जोशी र मसिना खड्का मन्त्रि बनेका छन् भने एकीकृत समाजवादीका तर्फबाट डा. राजेन्द्रमान श्रेष्ठ र लक्ष्मण लम्साल मन्त्रि बनेका छन् ।उनीहरुलाई बागमती प्रदेशका प्रदेश प्रमुख यादवचन्द्र शर्माले आइतबार प्रदेश प्रमुखको कार्यालयमा पद तथा गोपनियताको सपथ ग्रहण गराएका छन्।कांग्रेसका तर्फबाट मन्त्रि बनेका पुकार महर्जनले पर्यटन, उद्योग तथा सहकारी मन्त्रालय, उत्तम जोशीले स्वास्थ्य मन्त्रालय र  मसिना खड्काले वन तथा वातावरण मन्त्रालयको जिम्मेवारी पाएका छन् ।
यस्तै रामकृष्ण चित्रकारको जिम्मेवारी पछी तोकिने भएको छ । यसैगरी, एकीकृत समाजवादीका तर्फबाट डा. राजेन्द्रमान श्रेष्ठलाई कृषि तथा पशुपन्छी विकास मन्त्रालय र लक्ष्मण लम्साललाई श्रम, रोजगार तथा यातायात मन्त्रालयको जिम्मेवारी दिइएको छ। सपथ ग्रहण कार्यक्रममा मुख्यमन्त्री शालिकराम जम्कट्टेल, बागमती प्रदेशका मन्त्री, बागमती प्रदेशका प्रमुख सचिव मुकुन्द निरौला,मन्त्रालयका सचिवहरू, सुरक्षा निकायका प्रमुखहरुको उपस्थिती रहेको थियो।