ग्राहकको सजिलोका लागि क्लासिक टेकको देशभर १०४ आउटलेट

१५ जेठ, काठमाडौं । ग्राहकहरूको सजिलोका लागि अग्रणी इन्टरनेट सेवा प्रदायक कम्पनी क्लासिक टेकले नयाँ आउटलेट खोल्ने क्रमलाई  निरन्तरता दिएको जनाएको छ  । क्लासिक टेकले आफ्ना ग्राहकहरूका लागि देशभर १०४ आउटलेट स्थापना गरेको हो । पछिल्लो समय कम्पनीले गैरीधारा, थानकोट, चाबहिल , थली,  केराबारी , पुष्पलाल चोक र बुधबारेमा आउटलेट विस्तार गरेको हो । 
कम्पनीले ग्राहकले क्लासिक टेकको कार्यालय नपुगी एपबाट फोन बाट नै  इन्टरनेट सम्बन्धी गुनासो, सापटी, महसुल भुक्तानी लगायत अरु सुबिधाहरु लिन सक्ने जनाएको छ । उसले झन्झटमुक्त कारबारका लागि अनलाइन भुक्तानीहरूमा सरलता ल्याएको  छ । यसका लागि नेपालको सबैजसो अनलाइन वालेट ईसेवा, फोनपे, प्रभु पे, माईपे, आएमई पे, डेबिट क्रेडिट कार्ड, नेपाल पे, कनेक्ट आईपिएस जस्ता भुक्तानी प्रदायकहरूसँग साझेदारी गरिसकेको छ । अनलाइनबाट भुक्तानी गर्दा ग्राहकलाई आकर्षक क्यास ब्याक, बोनस र राउटर अपग्रेडको सुविधा रहेको कम्पनीले जनाएको छ ।
क्लासिक टेक मोबाइल एपबाट प्रयोगकर्ताहरूले केही ट्यापहरू मार्फत ग्राहकहरूले बिल भुक्तानीहरू, खाता व्यवस्थापन, प्याकेज जडानसहित विभिन्न सेवाहरू पहुँच गर्न सक्छन् । एपबाट कम्प्लेन दर्ता, पासवर्ड परिवर्तन, म्याक फिल्टर, रिफर, रिचार्ज, स्पिड टेष्ट जस्ता सुविधा उपयोग गर्न सकिन्छ भने सपोर्ट टिकट दर्ता गरेको २ घण्टामा सेवा प्राप्त हुने कम्पनीको दावी छ ।
नवीनतम प्राविधिक विकासलाई ध्यानमा राख्दै कम्पनीले न्यूनतम मुल्यमा अत्याधुनिक प्रविभो ५ गिगाहर्ज ड्व्यल व्याण्ड राउटरहरू र सेट-टप बक्सहरू प्रदान  गर्दै गएको छ, जसले ग्राहक हरुलाई  उच्च-गतिको इन्टरनेटको सुबिधा लिन सहज बनाउने कम्पनीको भनाई छ ।  सेवा सुविधाबारे जानकारी लिन र सेवाका लागि कम्पनीले १६६००१५०९९९ उपलब्ध गराएको छ ।