हेटौंडामा विश्व वातावरण दिवस मनाउन साताव्यापी कार्यक्रम

१५ जेठ, हेटौंडा। । विगतका वर्षहरु झैँ यस वर्ष पनि हेटौंडामा सप्ताहव्यापी कार्यक्रम गरी ५१ औं विश्व वातावरण दिवस मनाइने भएको छ । टोल विकास संस्था नगर समन्वय समिति हेटौंडा उपमहानगरपालिकाले सोमवार पत्रकार सम्मेलनको आयोजना गर्दै ५१ औँ विश्व वातावरण दिवसको मनाउन साता व्यापी १६ वटा विभिन्न कार्यक्रम सार्वजनिक गरिएको हो । 
टोल विकास संस्था नगर समन्वय समिति हेटौंडा उपमहानगरपालिकाले जेठ १६ गते (भोलि) देखि २२ गतेसम्म सप्ताहव्यापी कार्यक्रम गर्ने भएको पत्रकार सम्मेलनमा बताइएको छ । ‘प्लास्टिक जन्य प्रदुषण निर्मूल पारौ,वातावरण मैत्री विकल्पको उपयोग गरौ’ भन्ने मूल नारायण साथ यस वर्षको वातावरण दिवस मनाउन लागिएको टोल विकास संस्था नगर समन्वय समितिका अध्यक्ष एवम् विश्व वातावरण दिवस मूल आयोजक समारोह समितिका संयोजक ध्रुव प्रसाद अधिकारीले जानकारी दिएका छन्।

सप्ताहव्यापी कार्यक्रम अन्तर्गत् जेठ १६ गते राप्ती नदी किनार सरसफाइ,वातावरण संरक्षण सम्बंधि चेतना मुलक टिकटक प्रतियोगिता, सहितका अन्य कार्यक्रम रहेको पत्रकार सम्मेलनमा कार्यक्रम संयोजक धुव्र अधिकारीले बताएका छन् । 

जेठ २२ गते ( जुन ५) ५० औं विश्व वातावरण दिवसको दिन बिहान ७ बजे उल्लेख्य जनसहभागितामा हेटौंडा–४ स्थित हुप्रचौरबाट बाजागाजा झाँकीसहितको वृहत वातावरणीय सचेतना र्याली निकालिने उनले बताए । हुप्रचौरबाट बजार परिक्रमा गर्दै रोयल प्यालेसमा समापन कार्यक्रम आयोजना हुनेछ-पत्रकार सम्मेलनमा अधिकारीले भने । अधिकारीले र्यालीसहित सप्ताव्यापी कार्यक्रममा सहभागी हुन नगरवासीमा अपिल गरेका छन् ।विभिन्न कार्यक्रममा उत्कृष्ट हुनेलाई नगद पुरस्कारको व्यवस्था गरेको जनाइएको छ ।

यस्तो छ साताव्यापी १६ कार्यक्रम