बेतखोल्सीको वार्षिक साधारणसभा 

१ पौस ,हेटौँडा । हेटौंडा–९ मा रहेको बेतखोल्सी सामुदायिक बन उपभोक्ता समूह  को १७ औं वार्षिक साधारणसभा भएको छ ।

शनिबार समूह अध्यक्ष वासुदेव प्याकुरेलको सभाध्यक्षतामा तथा जिल्ला समन्वय समिति उपप्रमुख भगवती पुडासैनीको प्रमुख आतिथ्यमा कार्यक्रम भएको हो । सभामा हेटौंडा रेञ्जपोष्ट स्तरीय महासंघ अध्यक्ष तथा ९ नम्बर वडा अध्यक्ष लक्ष्मणप्रसाद भण्डारीको विशिष्ट आतिथ्य, हेटौंडा रेञ्जपोष्टका यदुकुमार घिमिरेको आतिथ्य एवम् स्थानीय राजनीतिक दलका प्रतिनिधिको आतिथ्यता थियो । सभामा राजनीतिक दलका प्रतिनिधिका तर्फबाट नया शक्तिका ओमप्रकाश बाबु मल्ल, वडा अध्यक्ष भण्डारी र हेटौंडा रेञ्जपोष्टका घिमिरेले मन्तब्य व्यक्त गरेका थिए । सभामा समूह अध्यक्ष प्याकुरेलले वार्षिक प्रतिवेदन र कोषाध्यक्ष अच्युतम पौडेलले आर्थिक प्रतिवेदन प्रस्तुत गरेका थिए । कार्यक्रममा आगामी दिनमा बन संरक्षणमा लागिपर्ने, गत वर्षमा आएको बाढीले क्षति पुगेकाले उक्त ठाउमा जाली भर्ने, स्थानीय सरकार तथा संघसंस्थास“ग समन्वय गरी पर्यटकीय विकास गर्दै लैजाने कुरामा छलफल भएको थियो । कार्यक्रमको सञ्चालक सचिव लक्ष्मीकुमारी अधिकारीले गरेकी थिइन्   ।