हेटौँडामा डाक्टर कुटपिटः निरिह प्रशासन, स्वास्थ्यकर्मीको सामूहिक उजुरी दर्ता

२८ भदौ, हेटौंडा । बुधबार हेटौँडा–१ मा रहेको सञ्चो हस्पिटलका डा. विकास थापा र डा. प्रशान्त विडारीमाथि भएको एक समूहले सांघातिक आक्रमण गरेको घटनामा मकवानपुर प्रहरी र जिल्ला  प्रशासन कार्यालय निरही भएको र दोषिलाई कार्वाही गर्न चासो नदेखाएको भन्दै मकवानपुरका स्वास्थ्यकर्मीले सामूहिक रुपमा प्रहरी कार्यालयमा उजुरी दर्ताको तयारी गरेका छन् । 
प्रशासन र प्रहरीले दोषीलाई कार्वाहीको चासो नदेखाउनु ,उजुरी दर्ता गर्नुको सट्टा दोषीलाई उन्मुक्ति दिने प्रयास भइरहेको आरोप लगाउदै  सुरक्षाको प्रत्याभूति नभएका कारण मकवानपुरका स्वास्थ्यकर्मी र स्वास्थ्य संस्थाले सामूहिक रुपमा प्रहरीमा उजुरी दर्ता गराउने तयारी रहेको राष्ट्रिय स्वास्थ्यकर्मी महासंघ मकवानपुरका अध्यक्ष भोला चौलागाईले जनाएका हुन् । 
घटनापछि छलफलका लागि  जिल्ला प्रहरी कार्यालय मकवानपुरका बोलाइएको र एसपीकै कार्यकक्षमा उजुरी दर्ता नगराउन वार्ता गरिएको र उल्दै डाक्टरलाई काट्छु भन्दा समेत मकवानपुरका प्रहरी प्रमुख (एसपी) सीताराम रिजाल निरिह बनेको स्वास्थ्यकर्मीले आरोप लगाएका छन् । घटनाको बिषयमा बुझ्न खोज्दा एसपी रिजाल, डिएसपी एव प्रवक्ता लक्ष्मी भण्डारी र मकवानपुरका सिडिओ सूर्य प्रसाद सेढाईले फोन उठाएनन् । घटनाको बारेमा जिल्ला प्रहरी कार्यालय पुगेका संचारकर्मीलाई भित्र छिर्न दिएनन् । बुधबार अबेरसम्म वार्ताको नाममा पीडित डाक्टरहरुलाई नै हतोत्साहित गर्ने काम भएपछि बिहिबार बिहान हेटौँडा अस्पतालमा स्वास्थ्यकर्मी र स्वास्थ्य संस्था सञ्चालकहरुले छलफल गरी सामूहिक रुपमा मुद्दा दर्ता गराउन निवेदनको तयारी भइरहेको राष्ट्रिय स्वास्थ्यकर्मी महासंघ मकवानपुरका अध्यक्ष भोला चौलागाईले बताए । बुधबार डाक्टरमाथि आक्रमण गर्ने समूहले विरामीका कुरुवालाई समेत कुटपिट गरेका थिए । 
घटनालाई लिएर दोषीलाई उन्मुक्ति दिन लागि परेको भन्दै प्रमुख जिल्ला अधिकारी र प्रहरी प्रमुखको चर्को आलोजना भएको छ । घटनामा दुवै डाक्टर घाईते भएका छन् । उनीहरुको अस्पतालमा उपचार भइरहेको छ  । यस बिषयलाई लिएर नेपाल चिकित्सक संघ नेपाल औषधी व्यवसायी संघ मकवानपुर, राष्ट्रिय स्वास्थ्यकर्मी महासंघ मकवानपुरले दोषीलाई कार्वाहीको माग राख्दै विज्ञप्ती प्रकाशित गरेको थियो ।