हेटौँडामा डाक्टर कुटपिट घटनाः २४ घण्टामा घटनामा संलग्न दुई पक्राउ 

२८ भदौँ,हेटौँडा । बुधबार हेटौँडा–१ मा रहेको सञ्चो हस्पिटलका डा. विकास थापा र डा. प्रशान्त विडारीमाथि भएकोसांघातिक आक्रमणमा संलग्न मध्ये दुई जनालाई प्रहरीले पक्राउ गरेको छ । बुधबार बिहान ८।१० जनाको समूहमा आएका व्यक्तिले सञ्चो हस्पिटलका डा. विकास थापा र डा. प्रशान्त विडारीमाथि मुक्का प्रहार गर्दा डा. विकास थापा र डा. प्रशान्त विडारी घाइते भएका थिए । डाक्टरमाथि सांघातिक आक्रमणमा संलग्न मध्यका रमा प्रधान र रमिता प्रधानलाई पक्राउ गरिएको जिल्ला प्रहरी कार्यालय मकवानपुर श्रोतले जनाएको छ । प्रशासन र प्रहरीले दोषीलाई कार्वाहीको चासो नदेखाउनु ,उजुरी दर्ता गर्नुको सट्टा दोषीलाई उन्मुक्ति दिने प्रयास भइरहेको मकवानपुरका स्वास्थ्यकर्मीले प्रमुख जिल्ला अधिकारी सुर्यँ प्रसाद सेढाई र प्रहरी प्रमुख (एसपी) सीताराम रिजालको भुमिकालाई लिएर चर्को आलोजना भइरहेको अवस्थामा घटनामा संलग्न दुई जना पक्राउ गरिएको छ । 
यता बुधबार घटनाको बिषयमा बुझदा एसपी रिजाल, डिएसपी एव प्रवक्ता लक्ष्मी भण्डारी र मकवानपुरका सिडिओ सुर्यँ प्रसाद सेढाईले फोन उठाएनन् भने घटनाको बारेमा जिल्ला प्रहरी कार्यालय पुगेका संचारकर्मीलाई भित्र छिर्न दिएनन् । यता  बुधबार अबेरसम्म वार्ताको नाममा पीडित डाक्टरहरुलाई नै हतोत्साहित गर्ने काम भएपछि बिहिबार बिहान हेटौँडा अस्पतालमा स्वास्थ्यकर्मी र स्वास्थ्य संस्था सञ्चालकहरुले छलफल गरी सामूहिक रुपमा मुद्दा दर्ता गर्ने निस्कर्षमा पुगेको राष्ट्रिय स्वास्थ्यकर्मी महासंघ मकवानपुरका अध्यक्ष भोला चौलागाईले बताएका थिए । बुधबार डाक्टरमाथि आक्रमण गर्ने समूहले विरामीका कुरुवालाई समेत कुटपिट गरेका थिए । यता घटनालाई लिएर प्रमुख जिल्ला अधिकारी र प्रहरी प्रमुख चर्को आलोजना भइरहेको छ । घटनामा दुवै डाक्टर घाईते भएका छन् । उनीहरुको अस्पतालमा उपचार भइरहेको छ  । यस बिषयलाई लिएर नेपाल चिकित्सक संघ नेपाल औषधी व्यवसायी संघ मकवानपुर , राष्ट्रिय स्वास्थ्यकर्मी महासंघ मकवानपुरले दोषीलाई कार्वाहीको माग राख्दै विज्ञप्ती प्रकाशित गरेको थियो ।