पोलियो दिवसमा रोटरी क्लब अफ हेटौंडा र मकवानपुरको संयुक्त कार्यक्रम

६ कार्तिक,हेटौंडा। यस वर्षको पोलियो दिवसमा रोटरी क्लब अफ हेटौंडा र मकवानपुरले संयुक्त रुपमा  विभिन्न कार्यक्रमहरु आयोजना गर्ने भएका छन् ।

मंगलबार हेटौंडामा पत्रकार सम्मेलनको आयोजना गर्दै रोटरी क्लब अफ हेटौंडा र रोटरी क्लब अफ मकवानपुरको संयुक्त रुपमा  अक्टोबर २४ अर्थात कार्तिक ८ गते पोलियो दिवसको अवसरमा  विभिन्न कार्यक्रमहरु आयोजना गर्ने लागेको जनाएको हो ।

पत्रकार सम्मेलनमा रोटरी क्लब अफ मकवानपुरका अध्यक्ष अनिल कुमार अग्रवालले कार्यक्रमको पहिलो दिन कार्तिक ७ गते हेटौंडामा अवस्थित संघसंस्था, होटलहरुमा पोलियो सम्बन्धि सुचनामुलक ब्यानर राखिने बताएका छन्।त्यसैगरी पत्रकार सम्मेलनमा दिवसको अवसरमा  कार्तिक ८ गते विहिबार विहान ७ वजे साईकल र्यालीको आयोजना गरिने उल्लेख गरिएको छ। 

पोलियो उन्मूलन अभियानमा साथै दिऔ भन्दै  हेटौंडा २ स्थित मकवानपुर उद्योग वाणिज्य संघको चोकबाट सुरु गरिने साईकल र्यालीले नगर परिक्रमा गर्ने जनाइएको छ।  सोहि दिन हेटौंडाको सीमाचोकमा रहेको डिजिटल बोर्डबाट ‘इन्ड पोलियो नाउ’ लेखिएको जानकारीमुलक सुचना सामग्री प्रसारण गरिनेछ भने बेलुकी हेटौंडाको बुद्धचोकमा दिप प्रज्वलन गरी कार्यक्रमको समापन हुने जनाइएको छ।