हेटौंडा सानोपोखरामा तीनवटा सवारी ठोक्किदा ५ जना घाइते

दुर्घटनाग्रस्त कार

१६ कार्तिक, हेटौंडा। कान्तिलोकपथ अन्तर्गत हेटौंडा-५ सानोपोखरा चोकमा तीन वटा सवारी एक आपसमा ठक्कर खाई दुर्घटना हुँदा ५ जना  घाइते भएका छन्। 

शुक्रबार दिउँसो  सानोपोखरा चोकमा  चौघडाबाट हेटौडाबजार तर्फ आउदै गरेको बा १३ च २००७ नम्बरको कार र  सोही  दिशा तर्फ बाट आउदै गरेको ना ६४ प २८३६ नम्बरको स्कुटर र  बागमती प्रदेश -०३-००४६ प ०२५७ नम्बरको स्कुटर  ठोक्किदा दुर्घटना भएको हो। तीनवटा सवारी ठोक्किदा सडक पेटीमा पैदल हिडिरहेको बाराको कोल्बी नगरपालिका १ बस्ने बर्ष अन्दाजी २३ वर्षीय दिप नारायण चौधरी घाइते भएका छन्। उनलाई कारले ठक्कर दिएको बुझिएको छ ।

दुर्घटनामा  ना ६४ प २८३६ नम्बरको स्कुटर चालक  हेटौडा - ५ बस्ने अन्दाजी ३० वर्षीय नारायण तिमल्सिना सोही स्कुटरमा सवार  अन्दाजी २७ वर्षीया  अस्मिता सापकोटा,बा १३ च २००७ नम्बरको कारमा सवार सर्लाही गोडाइता गाउँपालिका ५ बस्ने अन्दाजी २८ वर्षीया रन्जित कुमारी शाह, निजको  ३ वर्षीय छोरा कुशल रौनियार घाइते भएको मकवानपुर प्रहरी प्रवक्ता प्रहरी नायब उपरीक्षक श्यामु अर्यालले जनाएका छन् । घाइते सबैको हेटौंडा अस्पतालमा उपचार भइरहेको र चौधरीको अवस्था गम्भीर रहेको जनाइएको छ। तीन वटै सवारी वडा प्रहरी कार्यालय हेटौंडा सानोपोखराको नियन्त्रणमा रहेको जनाइएको छ।