मकवानपुरको भिमफेदीमा करेन्ट लागेर सेनाका लेसनायकको मृत्यु, २ सिपाही घाइते

२२कार्तिक,हेटौंडा। मकवानपुरको भिमफेदी गाउँपालिकामा नेपाली सेनाका २ लेसनायक र १ सिपाहीलाई करेन्ट लाग्दा १ जना लेसनायकको मृत्यु भएको छ भने २ जना घाइते भएका छन्।

बिहीबार बिहान मकवानपुर भीमफेदी गाँउपालिका वडा नम्बर ८ दोभान स्थित  फास्ट ट्याक सडक निर्माण कार्यदल सिस्नेरी वेस क्याम्पमा कार्यरत नेपाली सेनाका ३ जना सिपाही  संचार उपकरणको पाइप गाड्ने क्रममा पाइपले  हाईटेन्सन विजुलीको तारमा छुँन पुग्दा करेन्ट लागेको जिल्ला प्रहरी कार्यालय मकवानपुरका प्रहरी निरीक्षक ठाकुर प्रसाद सापकोटाले जानकारी दिएका छन् । करेन्ट लागेर डँडेलधुरा गन्याधुरा गाउँपालिका १ घर भएका लेसनायक अन्दाजी २९ वर्षीय पदम बहादुर दियालको घटनास्थलमै ज्यान गएको जनाइएको छ।

त्यसैगरी सोही काम गर्दा करेन्ट लागेर डँडेलधुरा अमरगढि नगरपालिका २ घर भएका लेसनायक अन्दाजी २९ वर्षीय  विनोद के.सि., र पाल्पा रामपुर नगरपालिका ६ घर भएका सिपाही २१ वर्षीय युवराज कुमाल घाइते भएको जनाइएको छ। घाइते दुवैलाई नेपाली सेनाको हेलिकप्टर मार्फत् काठमाडौं छाउनी लगिएको र मृतक दियालको शव पोस्टमार्टमका लागि त्रिवि शिक्षण अस्पताल महाराजगञ्ज लगिएको प्रहरी निरीक्षक सापकोटाले जनाएका छन्।