हेटौंडा १२ मा मुख्य निर्वाचन अधिकृतको कार्यालय स्थापना

३० कार्तिक, हेटौंडा। हेटौंडा वडा नम्बर १२ मा मंसिर १६ गते हुन  स्थानीय तह सदस्य पदको उपनिर्वाचनका लागि मुख्य निर्वाचन अधिकृतको कार्यालय स्थापना गरिएको छ । शुक्रबार एक समारोहका बीच मुख्य निर्वाचन अधिकृतको कार्यालय स्थापना गरिएको हो। 

हेटौंडा वडा नम्बर १२ का वडा अध्यक्ष ललितबहादुर घलान जिल्ला समन्व्य प्रमुखमा निर्वाचित भएसंगै हेटौंडा १२ मा वडाध्यक्ष रिक्त रहेको छ। रिक्त रहेको वडा अध्यक्ष पदको लागि मंसिर १६ गते उप निर्वाचन हुदैछ। शुक्रबार मुख्य निर्वाचन अधिकृत अवानी मैनाली भट्टराईले वडा कार्यालय भवनमा बोर्ड राख्दै कार्यालय स्थापना भएको घोषणा गरेकी हुन्। कार्यक्रममा जिल्ला समन्वय समिति प्रमुख ललित घलान, हेटौडा उपमहानगरपालिका प्रमुख मिनाकुमारी लामा, प्रमुख जिल्ला अधिकारी तीर्थराज चिलुवाल, जिल्ला सुरक्षा निकायका प्रमुखलगायतको उपस्थिति रहेको थियो। 

निर्वाचन कार्यतालिका अनुसार मंसिर २ गते आइतबार मनोनयन दर्ता, उम्मेदवारको सूचि प्रकाशन, आयोगको मंसिर ३ गते उम्मेदवारको विरोधमा उजुरी, उजुरी उपर जाँचबुझ र निर्णय, मंसिर ४ गते उम्मेदवारको नामावली प्रकाशन, ५ गते उम्मेदवारको नाम फिर्ता, अन्तिम नामावली प्रकाशन गर्ने, उम्मेदवालरलाई निर्वाचन चिन्ह् प्रदान गर्ने तालिका रहेको छ ।४ हजार ४ सय २८ जना पुरुष र ३ हजार ६ सय २५ जना महिला गरी कुल ८ हजार ५३ मतदाता रहेको यस वडामा मतदानका लागि दुई स्थानमा मतदान केन्द्र स्थापना गरिएको छ । प्रतिभा आधारभूत विद्यालय सिग्रेनीमा ५ वटा मतदान उप केन्द्र र विष्णु ज्योती आधारभूत विद्यालय भोर्लेमा ४ वटा मतदान उप केन्द्र रहेको वागमती प्रदेश निर्वाचन कार्यालय हेटौंडाका प्रमुख हरिप्रसाद ढकालले प्रष्टखबरलाई जनाएका छन् ।