न्युरेनी चिसापानी सामुदायिक वनको साधारणसभा, संचारकर्मी सहित विभिन्न व्यक्तिलाई सम्मान

१२ माघ ,हेटौंडा। हेटौंडा-७ मा रहेको न्युरेनी चिसापानी सामुदायिक वन उपभोक्ता समूहले आफ्नो ३४ औ वार्षिक साधारणसभा मार्फत पत्रकार देखी वृद्धवृद्धालाई सम्मान गरेको छ। 

शनिबार सम्पन्न ३४ औ वार्षिक साधारणसभामा समूहको गतिविधिलाई जनमानसमा पुर्याउन सहयोग पुयाएको भन्दै प्रष्ट खबर डटकमका वरिष्ठ सम्वाददाता सुनिल शिवाकोटी सहित वृद्धवृद्धा, वनरक्षक, डढेलो नियन्त्रणमा भूमिका निर्वाह गर्ने सहित निवर्तमान कार्यसमितिलाई सम्मान गरेको हो। 
समूहले पत्रकार शिवाकोटी जेष्ठ नागरिक सम्मान  चित्र कुमारी आचार्य र फौद्य सिंह कार्की, त्यसैगरी मरणोपरांत सम्मान स्वर्गीय भगवत प्रसाद पौडेल, अर्जुन बहादुर बोगटीलाई प्रदान गरिएको हो ।
त्यसैगरी डिभिजन वन कार्यालय सम्मानबाट सव डिभिजन वन कार्यालय मकवानपुरका वनरक्षक राजेश शाहलाई प्रदान त्यसैगरी वन समूहले डढेलो नियन्त्रणमा भूमिका निर्वाह गर्ने नवराज पौडेल,हेमलाल अर्याल, गोमा पाख्रिन, कृष्ण प्रसाद खतिवडालाई प्रशंसापत्रले सम्मान गरेको छ। 
यता समूहले वन व्यवस्थापन सम्मानले चेतनाथ गौतम, अर्जुनहरी अधिकारी सहित निवर्तमान कार्यसमितिलाई पनि सम्मानपत्र प्रदान गरिएको थियो।
हेटौंडा-७ का वडाअध्यक्ष दामोदर गौतमको प्रमुख आतिथ्य र वन समूहका अध्यक्ष प्रकाश कार्कीको सभाध्यक्षतामा कार्यक्रम सम्पन्न भएको थियो।
कार्यक्रममा प्रमुख अतिथि, विशेष अतिथिले सम्मानितहरुलाई सम्मान र पुरस्कृत गरेका थिए। समूहको  साधारणसभामा अध्यक्ष प्रकाश कार्कीले प्रगति प्रतिवेदन र कोषाध्यक्ष सरिता नेगीले आर्थिक प्रतिवेदन प्रस्तुत गरेका थिए।
कार्यक्रममा फेकोफन केन्द्रीय सदस्य खडानन्द चौलागाई, जनकल्याण बचत तथा ऋण सहकारी संस्थाका उपाध्यक्ष श्याम प्रसाद भट्टराई, रानी सामुदायिक वनका अध्यक्ष विष्णुप्रसाद न्यौपाने, फेकोफन मकवानपुरका अध्यक्ष साधुराम चौलागाई, डिभिजन वन कार्यालय मकवानपुरका वन अधिकृत वसन्तराज गौतम, सव डिभिजन वन कार्यालय रातोमाटे हेटौंडाकी प्रमुख सविना रिजाल लगायतले मन्तव्य व्यक्त गरेका थिए।
७१. १२ हेक्टर क्षेत्रफलमा फैलिएको वन समूहमा २७७ घरधुरी आवद्ध रहेका छन्।