शिक्षकले दुबै हातमा लड्डु पाउँदैनन् : शिक्षामन्त्री

हेटौँडा, ३० भदौ । शिक्षा मन्त्री धनिराम पौडेलले शिक्षकहरुले दुबै हातमा लड्डु नपाउने बताएका छन् । प्रेस सेन्टर नेपाल मकवानपुरले विहिबार हेटौँडमा गरेको पत्रकार सम्मेलनमा मन्त्री पौडेलले अस्थायी शिक्षकले एक विकल्प रोज्नुपर्ने बताए ।

उनले शिक्षकहरुर्ले स्थायीका लागि परीक्षा वा गोल्डेन ह्याण्ड सेक रोज्नुपर्ने बताए । ‘परीक्षा दिएर अयोग्य हुने अनि गोल्डेन ह्याण्ड सेकमा जाने दुबै हातमा लड्डु हुन सक्दैन ।’–उनले भने–‘यसबारे नयाँ शिक्षा ऐनले नै स्पष्ट गरेको छ ।’ उनले गोल्डेन ह्याण्ड सेकको सुविधा लिने शिक्षकले खुल्ला प्रतिस्पर्धा गर्ने बाटो खुल्ला रहेको बताए । शिक्षा क्षेत्रमा देखिएका भ्रष्टचार र अनियमितता नियन्त्रण गरी विद्यालयमा अख्तियार दुरुपयोग अनुसन्धान आयोगका कर्मचारी पुग्नुपर्ने अवस्था अन्त्य गर्नुपर्नेतर्फ सरोकारवालाहरुको ध्यानाकर्षण गराए । ‘नत्र गल्ति गर्ने पर्छन्, यसमा हामी आफैं पनि कारवाहीका लागि तयार छौं, अख्तियार पनि स्वतन्त्र छ ।’–उनले भने । उ

नले शिक्षकहरुको व्यवस्थापनका लागि नयाँ ऐन अनुसार नियमावली बनाईरहेको बताउँदै यसले समस्या समाधान गर्ने बताए । उनले भुकम्पबाट क्षतिग्रस्त विद्यालयको पुर्ननिर्माणको काम अघि बढेको दावि गरे । प्रेस सेन्टर नेपाल, मकवानपुरकी अध्यक्ष नानिमैया विष्टको अध्यक्षतामा कार्यक्रम भएको थियो ।