हेटौँडलाई स्थाथी राजधानी बनाउँन सबैको सहयोग आवस्यकः राप्रपा अध्यक्ष थापा 

२२ चैत्र, हेटौँडा । हेटौँडालाई प्रदेश नंबर ३ को स्थायी राजधानी बनाउन सबै क्षेत्र लाग्नुपर्ने राप्रपा अध्यक्ष कमल थापाले बताएका छन् । राप्रपा हेटौँडा नगर कमिटिले आज हेटौँडामा आयोजना गरेको अगुवा कार्यकर्ता भेलामा बोल्दै पुर्व उपप्रधानमन्त्री थापाले प्रदेश नंबर ३ राजधानीको लागि हेटौँडा सबैभन्दा उपयुक्त स्थान भएको बताए । 

उनले कार्यक्रममा बोल्दै विभिन्न प्रदेशका उदारहण दिदैं प्रदेश नंबर ३ को राजधानी हेटौँडा आउन प्रदेशका सबै जिल्लाले हालकै अवस्थामा ५, ६ घण्टा यात्रा गरे पुग्ने देखिएको बताए । 

उनले निर्माणधिन द्रुरुत मार्ग, कान्तिराजपथ, धरान चतरा सडक निर्माण भएपछि प्रदेश नंबर ३ को जुनसुकै जिल्लाबाट पनि निकै छोटो समयमा यहा आउन सकिने बताए । 

फरक प्रसंगमा अध्यक्ष थापाले अहिलेको सरकारले हिन्दुहरुकोे आस्थामाथी ठाडो प्रहार गरेको भन्दै विदा कटौती गरेकोमा आपत्ती समेत प्रकट गरे । उनले क्रिश्चियनहरुको क्राइष्टको जन्मोत्सवमा विदा दिने सरकारले सनातन धर्मका आस्था भगवान श्रीकृष्ण र रामको जन्मोत्सवमा विदा कटौती गर्ने काम गरेको भन्दै आलोचना गरे । 

यस्त भुकम्प पिडितको लागि यस अघिका सरकारले थप छुट्याएको १ लाख रुपैया अहिलेको सरकारले कटौती गरेकोमा सरकारप्रति आपत्ति जनाउँदै थापाले सरकार गैह् जिम्मेवार बनेको आरोप लगाए ।

राप्रपा नगर समिति अध्यक्ष गुरुप्रसाद सापकोटाको अध्यक्षतामा भएको कार्यक्रममा राप्रपका केन्द्रीय उपमहासचिव राजाराम बर्तौला, केन्द्रीय सदस्य मधु अधिकारी लगाएतको आतिथ्यता रहेको थियो ।