पत्रकार शिवाकोटीबाट महासंघलाई १ लाख सहयोग

१३ कार्तिक, हेटौंडा । नेपाल पत्रकार महासंघ मकवानपुरका पूर्व कोषाध्यक्ष हाल अमेरिका निवासी सुदिप शिवाकोटीले नेपाल पत्रकार महासंघ मकवानपुरको कोषमा १ लाख रूपैयाँ सहयोग गरेका छन् ।
शिवाकोटीले महासंघ मकवानपुर शाखाले स्थापना गरेको महिला पत्रकार प्रजनन स्वास्थ्य तथा सुरक्षित स्वास्थ्य प्रवर्द्धन कोषमा १ लाख रूपैयाँ सहयोग गरेका हुन् । उनले आफु र अमेरिका निवासी नेपाल अमेरिका पत्रकार संघ (नेजा) का पत्रकार सुरज भण्डारी, पूर्व उपाध्यक्ष सुजन पण्डित, पूर्व महासचिव बाबुराम दाहाल, रिपोर्टस क्लब अमेरिकाका अध्यक्ष कृष्ण रेग्मी र कोलोराडो खबर डटकमका अध्यक्ष बासुदेव खनालबाट जुटेको सहयोग रकम मकवानपुर शाखालाई हस्तान्तरण गरेका छन् । 
महासंघ मकवानपुरका अध्यक्ष बालकृष्ण अधिकारीको अध्यक्षता एवं महासंघ बागमती प्रदेशका अध्यक्ष कृष्ण सारू मगरको प्रमुख आतिथ्यतामा कार्यक्रम भएको हो ।
कार्यक्रममा नेपाल पत्रकार महासंघ बागमती प्रदेशका संस्थापक अध्यक्ष प्रताप विष्ट, स्वतन्त्र पत्रकार संघका महासचिव सुरेश श्रेष्ठ, अग्रज  पत्रकार रामकुमार एलन, प्रेस युनियन मकवानपुरका अध्यक्ष सुवास विडारी, प्रेस चौतारी मकवानपुरकी अध्यक्ष सरिता दाहाल, प्रेस सेन्टरकी सरला अधिकारी, महासंघकी उपाध्यक्ष भावना रिजाल, सचिव केशव समर्पण लगायतले मन्तव्य व्यक्त गरेका थिए ।