२२ जेठ, हेटौँडा । प्रदेश ३ को प्रदेशसभा बैठकमा मंगलबारदेखि आगामी आर्थिक बर्ष ०७५/०७६ को नीति तथा कार्यक्रममाथि छलफल शुरु भएको छ ।
प्रदेशसभा भवन हेटौँडामा शुरु भएको छलफलमा विपक्षि दलका प्रदेशसभा सदस्यहरुले नीति तथा कार्यक्रम यथार्थपरक भन्दा काल्पनिक भएको भन्दै आलोचना गरेका छन् भने सत्ता पक्षले अहिलेको आवश्यकता अनुसार नीति तथा कार्यक्रम आएको भन्दै बचाउ गरेका छन् । बैठकमा बोल्दै प्रमुख प्रतिपक्ष दल नेपाली कांग्रेस संसदीय दलका नेता ईन्द्रबहादुर बानियाँले नीति तथा कार्यक्रममा विभिन्न आयोग, केन्द्र, प्रतिष्ठान गठन गर्ने उल्लेख गरेको भन्दै यसलाई कार्यकर्ता पाल्ने उद्देश्यमात्रै भएको टिप्पणी गरेका छन् । उनले भूकम्पबाट प्रभावित प्रदेश भएपनि प्रदेश सरकारले यसबारे वेवास्ता गरेको भन्दै नीति तथा कार्यक्रममा धेरै ‘धव्बा’ रहेको बताए ।
विवेकशिल साझा पार्टीका प्रदेशसभा सदस्य रमेश पौड्यालले नीति तथा कार्यक्रम तथ्यमा भन्दा नारामात्रै आधिरित भएको बताए । उनले प्रदेश सरकारको नीति तथा कार्यक्रम सरकार जस्तो नभई गैरसरकारी संस्थाले ल्याउने योजना जस्तो भएको बताए । नेमकिपाका प्रदेशसभा सदस्य सुरेन्द्रराज गोसाईले नीति तथा कार्यक्रममा धेरै क्षेत्र समेट्न खोज्दा धेरै कुरा छुटेको भन्दै यसलाई ‘कलिलो बालकको बाल कविता’को संज्ञा दिए । राप्रपा प्रजातान्त्रिककी प्रदेशसभा सदस्य रिना गुरुङले नीति तथा कार्यक्रमले प्रदेश विकासमा आशा जगाउने भन्दा पनि निरासा उत्पन्न गराएको उल्लेख गर्दै खर्चमात्रै बढाउने ढंगले नीति तथा कार्यक्रम आएको बताईन् ।
राप्रपाकी प्रदेशसभा सदस्य रिता माझीले बलियो कम्युनिष्ट सरकारले ल्याएको कमजोर नीति तथा कार्यक्रम भन्दै हेटौँडा अस्ताललाई मदनभण्डारी स्वास्थ्य विज्ञान प्रतिष्ठान बनाउने योजना खारेज गर्न र भीमफेदी–कुलेखानी सुरुङमार्गलाई चेपाङ–वनकरिया सुरुङ मार्ग नामाकारण गर्न सरकारको ध्यानाकर्षण गराईन् ।
नेपाल कम्युनिष्ट पार्टी (नेकपा) का प्रदेशसभा सदस्य राजेन्द्र पाण्डेले नीति तथा कार्यक्रमले प्रदेशका धेरै विषय समेटेको भन्दै प्रशंसा गरे । उनले कानून निर्माणलाई नीति तथा कार्यक्रमले सम्बोधन गर्नुपर्ने बताए । उनले ‘एक घर, एक धारा’ जस्तो कार्यक्रम भने असम्भव रहेको बताए । नेपाल कम्युनिष्ट पार्टी (नेकपा) की प्रदेशसभा सदस्य कुमारी मोक्तानले अन्य कुनै नाममा भए पनि संसद बिकास कोषको व्यवस्था हुनुपर्ने बताईन् । प्रदेशसभा सदस्य प्रदीपकुमार कटुवाल क्षेत्री केसीले सरकारले ल्याएको बजेट समय सुहाउँदो रहेको बताएका थिए । छलफल बुधबार पनि जारी रहने कार्यसूचि रहेको प्रदेशसभा सचिवालयले जनाएको छ ।
वित्तीय हस्तान्तरण विधेयक समितिमा
प्रदेश ३ को प्रदेशसभा बैठकमा प्रदेश वित्तीय हस्तान्तरण व्यवस्थापन विधेयक दफावार छलफलका लागि प्रस्तुत भएको छ । मंगलबारको प्रदेशसभा बैठकमा आर्थिक मामिला तथा योजना मन्त्री कैलाश ढुंगेलले विधेयक दफावार छलफलका लागि प्रस्तुत गरेका हुन् । बैठकमा मन्त्री ढुंगेलले विधेयक दफावार छलफलका लागि विषयगत समितिमा पठाउने प्रस्ताव राखेका थिए । विषयगत समितिमा पठाउन प्रदेशसभा उपसभामुख राधिका तामाङले निर्णयार्थ प्रस्तुत गर्दा विधेयक सर्वसम्मत रुपमा पठाउने निर्णय भएको हो । अब विधेयकमाथि अर्थ विकास समितिमा दफावार छलफल हुनेछ । मन्त्री ढुंगेलले जेठ १९ गते प्रदेश वित्तिय हस्तान्तरण विधेयक प्रदेशसभामा पेश गरेका थिए ।
११ बैशाख, हेटौंडा। मकवानपुरमा कुखुरा खुइल्याउन उमालेको तातो पानीमा परेर एक बालिका घाइते भएकी छिन्।जिल्लाको...
११ बैशाख, हेटौंडा । कतारका अमिर शेख तमिम बिन हमाद अल थानी दुईदिने भ्रमणका क्रममा नेपाल आइपुगेका छन् । उनी पौने ४...
११ बैशाख, हेटौंडा । प्रधानमन्त्री पुष्पकमल दाहाल र नेकपा (एमाले) का अध्यक्ष केपी शर्मा ओलीबीच भेटवार्ता भएको छ...
११ बैशाख, सिमरा। बारामा एक जना वरिष्ठ सईले बोकेको पेस्तोल हराएको छ। ईलाका प्रहरी कार्यालय अमलेखगञ्जमा...
११ बैशाख, हेटाैडा । हेटाैडा ६ चुच्चेखाेलामा रहेकाे कामधेनु बहुउद्देश्यीय सहकारी संस्थाले आफ्नो २६ औ...
११ बैशाख, हेटौंडा । नेपाली बजारमा मंगलबार सुनको मूल्य घटेको छ । सुन प्रतितोला २७ सय रूपैयाँले घटेको हो । छापावाला...
११ बैशाख, हेटौंडा । आईपीएलमा राजस्थान रोयल्सले मुम्बई इन्डियन्सलाई ९ विकेटले पराजित गरेको छ । मुम्बईले प्रस्तुत...
११ बैशाख, हेटौंडा । कतारका अमिर शेख तमिम बिन हमाद अल थानी आज नेपाल आउँदैछन् । राष्ट्रपति रामचन्द्र पौडेलको...
११ बैशाख, हेटौंडा । मकवानपुरका महिला साहित्यकारहरुको अग्रणी संस्था आँचल साहित्य कला पुञ्ज मकवानपुरले विभिन्न...
नेपालमा शैक्षिक बर्ष २०८१ को विद्यालय भर्ना अभियान शुरु भएको छ । मकवानपुरमा पनि विद्यालयहरु विभिन्न...
४ बैशाख, हेटौंडा। हेटौंडा ६ रामनगरमा आगलागी भएको छ, उक्त आगलागी एकजना घाइते भएका छन्। मंगलबार साँझ रामनगर स्थित...
९ बैशाख, हेटौंडा। पूर्व पश्चिम राजमार्ग अन्तर्गत हेटौंडा-१० मा भएको सवारी दुर्घटनामा घाईते व्यक्तिको उपचारको...
४ बैशाख, हेटौंडा। हेटौंडा सहित कैलाश र मकवानपुरगढीका विभिन्न स्थानमा मंगलबार १२ घण्टा विद्युत आपूर्ति...
१० बैशाख, हेटौंडा। सरकारले मंगलबार सार्वजनिक बिदा दिएको छ। कतारका राजा अमिर शेख तमिम बिन हमाद अल थानीको नेपाल...
८ बैशाख, हेटौंडा। हेटौंडा औद्योगिक क्षेत्रमा रहेको कार्टुन उद्योगमा आगलागी भएको छ।आइतबार बिहान हेटौंडा-८ मा...
२९ चैत, हेटौंडा। बिहीबार अपरान्ह मौसममा आएको बढलीका कारण आएको हावाहुरीले त्रिभुवन अन्तर्राष्ट्रिय...
आइतबार दिउँसो आएको हावाहुरीले हेटौंडा १३ स्थित ४ वटा घरमा क्षती पुगेको छ।आइतबार दिउँसोको हावाहुरीले हेटौंडा १३...
३० चैत, हेटौंडा । मकवानपुरको राक्सिराङ गाउँपालिकाले हावाहुरी प्रभावित एक परिवारलाई सहयोग गरेको छ । बिहिबार साँझ...