१० वर्षीया बालिकालाई जबर्जस्ती करणी गर्ने बोगटी पक्राउ

१० साउन, हेटौडा । मकवानपुर प्रहरीले १० वर्षीया बालिकालाई जबर्जस्ती करणी गर्ने एक जनालाई प्रकाउ गरेको छ।  प्रहरीले १० वर्षीय बालिकालाई जबरजस्ती करणी गरेको आरोपमा हेटौँडा १८ बस्ने २५ वर्षीया बिक्रम बोगटीलाई पक्राउ गरेको हो ।

 बोगटीले बुधबार राति अन्दाजी साढे ११ बजेको समयमा बाटोमा हिँडीरहेकी एक बालिकालाई जबरजस्ती संगमचोकस्थित अम्बिका देवी राउतको घरको पिँढीमा लगी करणी गरेको आरोपमा प्रहरीले पक्राउ गरेको जिल्ला प्रहरी कार्यालय मकवानपुरले जनाएको छ  ।

बुधबार राति ११ बजेको समयमा बोगटी र ती बालिकालाई शंकास्पद रुपमा राउतको पिँढीमा देखेपछि स्थानीयले रोकेर प्रहरीलाई खबर गरेपछी  तत्कालै  वडा प्रहरीकार्यालय हेटौडा सानोपोखराबाट   खटि गएको प्रहरी टोलीले उनीहरु दुबैलाई  नियन्त्रणमा लिई   अनुसन्धान गर्दा   ती बालिका अन्तरदृष्टी नेपालको संरक्षणमा रहेको र संस्थाका कोही कसैलाई थाहा नदिई हिँडेर आफ्नो घर गईरहेको अवस्थामा बोगटीले सडकबाट जवरजस्ति हातमा समातेर उक्त स्थानमा लगी करणी गरेको खुलेको जिल्ला प्रहरी कार्यालय मकवानपुरले जनाएको छ ।

पिडीत बालिकालाई माईती नेपालको सेफ हाउसमा पठाईएको र बोगटीलाई नियन्त्रणमा लिई जिल्ला अदालत मकवानपुरबाट ५ दिनको म्याद थप गरी अनुसन्धान थालिएको  मकवानपुर प्रहरी प्रवक्ता डीएसपी नरेश कुमार सिहले बताएका छन ।