यसकारण ‘व्ल्याक’ हेर्नै पर्ने निर्माण टिमको दावि

२३ साउन, हेटौँडा । नेपाली चलचित्र ‘व्ल्याक’ को टोली चलचित्र प्रवद्र्धनका लागि हेटौँडा आईपुगेको छ । देश दौडाहमा रहेको टोली बुधबार हेटौँडा आईपुगेको हो ।

हेटौँडामा पत्रकार सम्मेलन गर्दै व्ल्याक टोलीले चलचित्र उत्कृष्ट बनेको दावि गरेको छ । लवस्टोरीमा आधारित चलचित्र भएपनि यसलाई भिन्न ढंगबाट प्रस्तुत गरेको भन्दै चलचित्रका निर्देशक प्रदिप श्रेष्ठले चलचित्र डार्क लभस्टोरीको संज्ञा दिए । चलचित्रमा प्रेमभित्रका समस्या र बेदनालाई प्रस्तुत गरेको उनले बताए । चलचित्रका नायक आकाश श्रेष्ठले व्ल्याकको अभिनयलाई दर्शकले मन पराउनलेमा आफु विश्वस्त रहेको बताए । उनले नायिका आँचलसंग स्क्रिन शेयर गर्न पाउनु खुशीको विषय भएको समेत बताए । नायिका आँचल शर्माले चलचित्रले हलसम्म पुगेका दर्शक निरास नपार्ने दावि गरिन् ।

चलचित्र उपत्यकासंगै उपत्यका बाहिरका ४० वटा हलमा आगामी भदौं १ गते देखी प्रर्दशनमा आउने निर्माण पक्षले जनाएको छ । २ करोड रुपैँयाको लागतमा निर्माण भएको दावि गरेको छ । ब्ल्याक टिमले हेटौँडाको ओम्याक्स सिनेमा हलमा भएको आगलागीको घटनाप्रति दुःख समेत व्यक्त गरेको छ ।

यसैबिच, चलचित्र पत्रकार संघ मकवानपुर शाखाले आगलागीको घटनाप्रति दुःख व्यक्त गरेको छ । संघका अध्यक्ष मणीराज गौतमद्वारा जारि विज्ञप्तिमा सम्बन्धित पक्षलामा पर्न गएको क्षतिप्रति दुःख व्यक्त गरिएको छ ।