हेटौँडामा एकै रातमा तीन ठाउँमा चोरी

१४ भदौँ, हेटौँडा । हेटौँडामा एकैदिन तीन ठाउँमा चोरीका घटना भएका छन् । गएराती हेटौँडा उपमहानगरपालिका वडा नम्बर १ को कार्यालय, हेटौँडा टिसिएनमा रहेको एसबिआई बैक र हेटौँडा १० मा रहेको साथीको मनी ट्रान्सफरमा चोरी भएको हो ।
हेटौँडा उपमहानगरपालिका वडा नम्बर १ को चाइनाक्वाटरमा रहेको वडा कार्यलयबाट ६१ हजार ५० रुपैंया चोरी भएको वडा अध्यक्ष सबिन न्यौपानेले जानकारी दिए । कार्यलयमा रहेको दराज फोडिएको छ । कार्यलयका कागजपत्र भने सहि सलामत रहेको अध्यक्ष न्यौपानेले बताए । कार्यलय चोरी भएको उज्यालो भएपछि थाहा पाएर स्थानियले प्रहरीलाई खबर गरेका थिए ।
यस्तै राति नै हेटौंडा १० टिसिएनरोडमा रहेको एसबिआई बैंकको सटरको ताला मात्र फोडिएको र रकम भने चोरी नभएको प्रहरीले पुष्टी गरेको छ । बैकको तीनवटा सटरमा लागाइएको ताला फोडिएको अवस्थामा पाइएको प्रहरीले जनाएको छ । सटर फोडिएको पाइएपछि चोरी भएको आशंकामा प्रहरीले अनुसन्धान गर्दा नगद भने चोरी नभएको पाइएको मकवापनुरका प्रहरी नायब उपरीक्षक नरेशकुमार सिंहले जानकारी दिए ।
यसैगरी हेटौंडा–१० मा रहेको साथीको मनी टान्सफरमा पनि चोरी भएको छ । गएराती नै भएको चोरीमा नगद तथा रिचार्ज कार्ड चोरी भएको बताइएको छ । ट्रान्सफरको सटर फोडेर चोरी भएको प्रहरीले जनाएको छ । मनी ट्रान्सफरबाट भएको चोरीको विवरण भनृ आइ नसकेको प्रहरी नायब उपरीक्षक सिंहले जानकारी दिए ।