चुरेकालिका सेमिफाईनल र कोरस फाईनल प्रवेश

१७ असोज, हेटौंडा । हेटौँडामा जारी स्वर्गीय सुनिल रुम्बा स्मृती शक्तिश्वरी कप प्रतियोगितामा कोरस युवा क्लव, रातोमाटे फाईनलमा प्रवेश गरेको छ ।

सोमबार भएको सेमिफाईनल खेलमा डाँफे युवा क्लव, चिसापानीलाई ० बिरुद्ध १ गोल गरि कोरसले फाईनलको यात्रा तय गरेको हो । कोरस युवा क्लवका देवराज लामाले निर्णायक १ गोल गरि म्यान अफ दी म्याच भए ।
सोमबारै भएको क्वाटरफाईनल खेलबाट चुरेकालिका युवा क्लव ‘ए’, नयाँबस्ती सेमिफाईनलमा प्रवेश गर्न सफल भएको छ । निर्धारित समयमा दुवै टिमबाट २–२ गोल भएपछि ट्राईब्रेकरबाट बिजेताको टुङ्गो लागेको हो । निर्धारित समयमा चुरेकालिकाका सूर्य लामा र सुमन लामाले १–१ गोल तथा चाईनाका सौरब लामाले २ गोल गरेका थिए ।

ट्राईब्रेकरमा चुरेकालिकाले चाईनालाई ३ का बिरुद्ध ४ गोल गरि सेमिफाईनलको यात्रा पुरा गरेको हो । खेलको म्यान अफ दी म्याच चुरेकालिका युवा क्लवका गोल रक्षक मानदीब घलान भए ।

मंगलबार हुने सेमिफाईनलको अन्तिम खेलमा कालोपानी युवा समूहले चुरेकालिका युवा क्लव ‘ए’, नयाँबस्तीको सामना गर्ने शक्तिश्वरी युवा क्लबका सचिव कुमार रुम्बाले जानकारी दिए ।
२१ टिम सहभागिता नकआउट फुटबल प्रतियोगिता शक्तिश्वरी युवा क्लब हेटौँडा–१७, चुरियामाई–भोर्ले कमानेले आयोजना गरेको हो । प्रतियोगिताको प्रथम, दोश्रो र तेश्रो हुने टिमले शिल्ड, मेडल र प्रमाणपत्र सहित क्रमशः २५ हजार, १५ हजार र पाँच हजार रुपैँया पाउँनेछन् ।

त्यस्तै, प्रत्येक म्यान अफ दी म्याचले ट्रफी पाउँनेछन् भने उत्कृष्ट खेलाडी, किपर र सर्वाधिक गोलकर्ताले ट्रफी र प्रमाणपत्र पाउँने आयोजकले जनाएको छ । प्रतियोगिताको मुख्य प्रायोजकमा ऋद्धीसिद्धी सिमेन्ट उद्योग, हेटौँडा १७ रहेको छ ।