रानी वनको २० औं साधारणसभा सम्पन्न

२५ मंसिर, हेटौँडा । हेटौँडा–६ चौघडामा रहेको रानी सामुदायिक वन उपभोक्ता समूहको २० औं बार्षिक साधारण सभा शनिबार सम्पन्न भएको छ । साधारण सभामा लेखा समिति संयोजक गोमा लामिछानेले आव २०७२/०७३ को लेखा परिक्षण प्रतिवेदन, सचिव नानीमैया रुम्बाले प्रगति प्रतिवेदन र कोषाध्यक्ष बसन्तप्रसाद अधिकारीले चालु आव ०७३/७४ को लागि करिव २५ लाखको अनुमानित बजेट प्रस्तुत गरेका थिए ।

मकवानपुर क्षेत्र नम्बर ३ का सांसद अनन्तप्रसाद पौडेलको प्रमुख आतिथ्यता एवं समूहका अध्यक्ष विष्णुप्रसाद न्यौपानेको अध्यक्षतामा सभा भएको थियो । सभामा जिल्ला वन कार्यालयका सहायक वन अधिकृत विशाल भट्टराई, हेटौँडा इलाका वन कार्यालयकी सहायक वन अधिकृत राधिका शर्मा, सामुदायिक वन उपभोक्ता महासंघ मकवानपुरका सचिवालय सदस्य रामहरी चौलागाई, वन सम्पदा उपभोक्ता राष्ट्रिय महासंघ मकवानपुरकी सचिव गोरीमाया लामा, वन विज्ञान अध्ययन संस्थाका उपप्राध्यापक कृष्णप्रसाद दाहाल, जनकल्याण वचत तथा ऋण सहकारी संस्थाका अध्यक्ष हिमाल पौडेल, नौलो विहानी कृषि सहकारी संस्थाका अध्यक्ष राजेन्द्रप्रसाद चौलागाई, न्यूरेनी चिसापानी सामुदायिक वनका अध्यक्ष ज्ञानबहादुर क्षेत्री, अशोक सामुदायिक वनका अध्यक्ष बलराम अधिकारी, सुन्दर सामुदायिक वनका उपाध्यक्ष सकुन्तला थापा, समूहका सल्लाहकार साधुराम चौलागाई, कृष्णबहादुर विडारी, उपाध्यक्ष डोरबहादुर अधिकारी लगायतले मन्तव्य व्यक्त गरेका थिए ।

सभाले आगामी चैत महिनाभित्र नयाँ कार्यसमितिको निर्वाचन गराउन रमेशप्रसाद लामिछानेको संयोजक, अर्जुनप्रसाद चौलागाई र राजकुमार चौलागाई सदस्य रहेको ३ सदस्यीय निर्वाचन समिति गठन गरेको छ ।