चितवन घटनाप्रति कांग्रेस चितवनको गम्भिर ध्यानाकर्षण (विज्ञप्ती सहित)

२ भदौ, चितवन। विगत केही दिन देखी चितवनमा न्युज २४का कार्यक्रम संचालक रवी लामिछाने पक्राउको बिषयलाई  लिएर जिल्लामा भईरहेको असहज परिस्थिति प्रति कांग्रेस चितवनले गम्भिर ध्यानाकर्षण भएको जनाएको छ।
कांग्रेस चितवनका अध्यक्ष जितनारायण श्रेष्ठ र सचिव उत्तम जोशीले  सोमबार साझ जारी गरेको प्रेस विज्ञप्तिमा
केहि दिन देखी प्रहरी र लामिछाने समर्थकहरु बिच भइरहेको झडपले चितवन जिल्लामा असहज परिस्थिति सृजना भएको उक्त परिस्थितिले जनताका मौलिक हकहरु हनन् हुनु नहुने र विधिको शासन र स्वतन्त्र न्यायपालिकाको सम्मान हुनु पर्नेमा नेपाली कांग्रेस दृढ रहेको जनाईएको छ । कांग्रेसले शान्तिपूर्ण रुपमा सभा, सम्मेलन, जुलुस मार्फत आफ्ना जायज मागहरुको पक्षिकरण गर्न पाउने संवैधानिक अधिकारको प्रत्याभुति हुन सकोस भन्दै जनतामा सरकार प्रतिको विश्वास घट्दै गईरहेको यस गंभिर परिस्थितिमा सरकार र सम्वन्धित निकाय सचेत रहनु पर्ने ठहर गरेको छ ।कांग्रेसले घट्नाको गम्भिर अध्ययन र अनुसन्धानका आधारमा सत्यतथ्य छानविन गरी पिडितलाई न्याय तथा निर्दोष नपरुन् र दोषी नछुटुन् भन्ने मान्यता स्थापित गर्न माग गरेको छ।   पत्रकार शालिकरा पुडासैनी चितवनको कंङगारु होटलमा मृत अवस्थामा फेला परेका थिए । 

यता प्रहरीले पुडासैनी मुत्यु प्रकरणमा लामिछानेको संलग्नता भएको हुन सक्ने भन्दै अनुसन्धानका लागि लामिछाने लगायत तीन जनालाई प्रहरीले हिरासतमा लिएको हो। रविलाई हिरासतमा लिईएपछि उनको समर्थनमा प्रदर्शन गरिरहेको छन । उनका समर्थनकहरुले सोमबार पनि प्रर्दशन गरेका थिए ।