रेडियो मकवानपुरले दुईजनालाई  सम्मान गर्ने

१० माघ, हेटौँडा ।  हेटौँडाको पहिलो सामुदायिक रेडियो, रेडियो मकवानपुर १०१.३ मेगाहर्जले आफ्नो सातौँ वार्षिकोत्सव विविध कार्यक्रम गरी मनाउने भएको छ ।

रेडियोले समुदायसँग संवादसँगै समसामयिक विषयहरुमा अन्तरक्रियालगायत कार्यक्रमहरु गर्ने भएको हो ।

समुदायमा आर्थिक—सामममाजिकक्षेत्रमा महत्वपूर्ण
योगदान गर्ने दुईजनालाई वार्षिकोत्सवका अवसरमा सम्मान गरिने कार्यक्रम रहेको रेडियोका स्टेशसन संयोजक राममणि दाहालले जानकारी दिए । माघ १६ गते आर्थिक—सामाजिक क्षेत्रमा जिल्लामा महत्वपूर्ण योगदान गर्ने एकजना पुरुष र एकजना महिलालाई सामुदायिक सम्मान प्रदान गरिने छ ।

रेडियोले हेटौँडा—१४, पदमपोखरीस्थित महिला मिलन बचत तथा ऋण सहकारी संस्था लिमिटेडसँगको सहकार्यमा मंगलबार सहकारीको हलमा सहकारीमा महिला सहभागितासम्बन्धी अन्तरक्रिया गर्ने भएको छ ।

यसैगरी शुभकामना महिला जागृति बचत तथा ऋण सहकारी संस्था लिमिटेड हटियासँगको सहकार्यमा सहकारीको हलमा  माघ १४ गते विहान संविधानमा संविधानमा महिलाका सवाल विषयमा बहश र माघ १५ गते रेडियोमा साहित्यकारहरुसँग समकालीन साहित्यमा गणतान्त्रिक चेत विषयक अन्तरक्रिया गर्दै छ ।

रेडियोले यसअघि शर्मिला डंगोल, शालिकराम बानियाँ, माया लामा, आरसी रिजाल, राजेश केसी, अक्कमाया थिङ, ईश्वरी बानियाँ, तुल्सी थापा, मञ्जु थिङ र सागर लामालाई सामुदायिक सम्मान प्रदान गरेको थियो ।