पिप्लेपोखरा वनमा चौलागाईं

१५ माघ, हेटौडा । हेटौडा ५ मा रहेको पिप्लेपोखरा सामुदायिक वन उपभोक्ता समूहको २१ औं वार्षिक साधारण सभा शनिवार सम्पन्न भएको छ ।

साधारण सभाको बन्दसत्रले रामहरी चौलागाईको अध्यक्षतामा १७ सदस्यीय नयाँ कार्यसमिति चयन गरेको छ । समितिको उपाध्यक्षमा केशवप्रसाद घिमिरे, सचिवमा ईन्दिरा न्यौपाने (घिमिरे), सहसचिवमा इन्दिरा न्यौपाने, कोषाध्यमा झलक भुजेल चयन भएका छन् ।

यसैगरी सदस्यहरुमा ईश्वर ढुंगाना, विष्णु प्रधान, बद्रीप्रसाद लम्साल, रामशरण राई, अम्बिका खतिवडा, विष्णु स्यांतान, शर्मिला नेपाल,बालकुमारी अधिकारी, रामबहादुर लोप्चन, खुमराज श्रेष्ठ, टिका लामिछाने र गीता घिमिरे चयन भएका छन ।

साधारण सभाको बन्दसत्रले सचिवको प्रतिवेदन, विधान कार्ययोजना नवीकरण, कर्मचारी विनियमावली, लेखापरीक्षण प्रतिवेदन लगायतका प्रतिवेदनहरु सर्वसम्मत पारित गरेको छ ।

साधारण सभाको उदघाटन सत्रमा समूहकी सचिव डकादेवी क्षेत्रीले प्रगति प्रतिवेदन र कोषाध्यक्ष कुमारप्रसाद चौलागाईले लेखापरीक्षण प्रतिवेदन प्रस्तुत गरेका थिए । 

सामुदायिक वन उपभोक्ता महासंघ, मकवानपुरका महासचिव शम्भुप्रसाद न्यौपानेको प्रमुख आतिथ्यता एवम समूहका अध्यक्ष रामबहादुर राईको अध्यक्षतामा साधारण सभा भएको थियो । 

साधारण सभामा समूहका नेपाली काँग्रेस ५ नं. वडाका सभापति यमबहादुर श्रेष्ठ, मत्स्य व्यवसायी महासंघ, मकवानपुरका अध्यक्ष सुरेश पुरी, वडा नागरिक मञ्च ५ नं. वडाका संयोजक देवीप्रसाद दाहाल, समूहका उपाध्यक्ष ज्ञानबहादुर थापा, उपभोक्ता बसुन्धरा ढुंगाना लगायतकाले मन्तव्य व्यक्त गरेका थिए ।