पत्रकारितामा'नो एस्कि्उज': महासंघ पुर्व अध्यक्ष झा

२३ कार्तिक, चित्लाङ(मकवानपुर)नेपाल पत्रकार महासंघका पुर्व अध्यक्ष धर्मेन्द्र झाले पत्रकारितामा एस्कि्उज नहुने बताएका छन्।

 प्रेस युनियन मकवानपुरको आयोजनामा भएको प्रशिक्षण तथा पत्रकारिता तालिमको उदघाटनका क्रममा पत्रकारितामा एस्कि्उज गरिए त्यो पत्रकारिताको मुल्य मान्यताको विपरीत हुने भन्दै पत्रकारिता एस्कि्उज नहुने बताएका हुन्। 

उनले लोकतन्त्रीक राजनैतिक व्यवस्थामा आम नागरिकले पाएको स्वतन्त्रताको पक्षमा लड्ने काम  पत्रकारले गर्ने बताउदै पत्रकारितामा राजनितिक पुर्वाग्रह मान्य नहुने स्पष्ट पारेका छन। 

उनले नागरिक अधिकार तथा प्रेस स्वतन्त्रता लोकतन्त्रको आधार स्तम्भ भएकाले यसको सम्वर्द्धनमा प्रेस जगत लाग्नु पर्ने बताए। 

 प्रेस युनियन मकवानपुरका अध्यक्ष कुमार अधिकारीको सभाध्यक्षतामा भएको कार्यक्रममा न्युनतम पारिश्रमिक निर्धारण समितिका अध्यक्ष गंगाधर पराजुली, पत्रकार महासंघका पुर्व महासचिव पोषण केशी, प्रेस युनियन मध्यमाञ्चल संयोजक राममणि दाहाल, नेपाली कांग्रेस मकवानपुरका प्रवक्ता प्रदिप कोइराला, काग्रेस थाहानगर सभापति   योगेन्द्रमान श्रेष्ठ लगायतले मन्तव्य व्यक्त गरेका छन्।

प्रेस युनियन मकवानपुरको आयोजनामा भएको १ दिने प्रशिक्षण तथा पत्रकारिता तालिममा युनियन आवद्ध  ६० जना पत्रकारहरुको सहभागीता रहेको छ।