किन आयो प्रधानमन्त्रीको सल्लाहकार समूहको राजिनामा ?

File Photo

२४ कार्तिक, काठमाडौं । प्रधानमन्त्री केपी ओलीको सल्लाहकार समूहका १३ जनाले राजिनामा दिएका छन् । सल्लाहकार समूहको सामुहिक राजिनामालाई अर्थपूर्ण ढंगबाट हेरिएको छ । 
प्रधानमन्त्रीका प्रमुख सल्लाहकार विष्णु रिमाल, परराष्ट्र सल्लाहकार राजन भट्टराई, प्रेस सल्लाहकार डा. कुन्दन अर्याल, जनसम्पर्क सल्लाहकार अच्युत मैनाली, प्रेस संयोजक चेतन अधिकारी, सूचना प्रविधि सल्लाहकार अस्गर अली, स्वकीय सचिव ईन्द्र भण्डारीसहित १३ जनाले सामुहिक राजिनामा दिएका छन् । 
प्रधानमन्त्रीले सचिवालयलाई पुर्नगठन गर्ने लक्ष्यका साथ उनीहरुको राजिनामा आएको भनाई छ । आगामी मङ्सिर १ गतेबाट लागु हुनेगरी सामूहिक राजीनामा दिएको स्रोतले दािव गरेपनि सचिवालय पुर्नगठन कहिले हुन्छ त्यो भने स्पष्ट हुन सकेको छैन । प्रधानमन्त्रीको सल्लाहकार र सचिवालयले प्रभावकारी काम गर्न नसकेको भन्दै बेला बेलामा आयोजना हुने गरेको थियो । 
विशेष गरी प्रमुख सल्लाहकार रिमालको कार्यशैलीको नेकपाभित्रै पनि आलोचना हुने गरेको छ । यस्तो अवस्थामा राजिनामा आउनुले प्रधानमन्त्री ओली सचिवालयसहित मन्त्रीमण्डल समेत पुर्नगठनको तयारीमा रहेको संकेतको रुपमा लिईएको छ ।