फापरबारीमा कांग्रेस अगुवा कार्यकर्ता प्रशिक्षण

१ फागुन, हेटौंडा । नेपाली काँग्रेस मकवानपुर क्षेत्र नम्बर १ को तेस्रो चरणको अगुवा कार्यकर्ता प्रशिक्षण कार्यक्रम फापरवारीमा भएको छ । बाग्मती गाउँपालिका अन्तरगत राईगाउँ, फापरवारी र बेतिनी गाविसको आईतबार सम्पन्न भएको हो । 
स्थानीय निकायको निर्वाचनलाई लक्षित गरी तेस्रो चरणको कार्यक्रमअन्र्तगत नेपाली काँग्रेस क्षेत्र नम्बर १ का सभापति दामोदर खनालको सभाध्यक्षता, नेपाली काँग्रेसका केन्द्रीय सदस्य गुरु घिमिरेको प्रमूख आथित्यता तथा मकवानपुरका सभापति, संस्कृति, पर्यटन एवं नागरिक उड्डयन राज्यमन्त्री ईन्द्रबहादुर बानियाँको विशिष्ट आथित्यतामा प्रशिक्षण कार्यक्रम भएको थियो ।
अगुवा कार्यकर्ता प्रशिक्षण कार्यक्रममा प्रमूख अथिति घिमिरेले समसामयिक राजनीतिक घट्नाक्रम, अहिलेको देशको परिस्थिति तथा संविधानको विषयमा स्थानीय कार्यकर्ताहरुलाई प्रशिक्षण दिए ।
त्यसैगरी पूर्व तरुण दलका केन्द्रीय सदस्य एवं नेपाल टेलिभिजनका अध्यक्ष महेश दाहालले विगतदेखि अहिलेसम्म नेपाली काँग्रेसले देशमा गरेको राजनीतिक घट्नाक्रमको नेतृत्व र भावी दिनमा नेपाली काँग्रेसले बनाएको योजनाको बारेमा चर्चा गरेका थिए ।
त्यस्तै विशिष्ट अथिति राज्यमन्त्री बानियाँले मकवानपुरको चारै क्षेत्रको विकासमा आफूले धेरै विकाश निर्माणको कार्यमा सहभागिता जनाएको र आउँदो दिनमा पनि यस्लाई धेरै नै गर्ने बताउँदै आफू मन्त्री पदमा रहँदा या नरहँदा पनि जिल्लाको विकास नै आफ्नो पहिलो प्रयास रहने बताए ।
प्रशिक्षण कार्यक्रममा नेपाली काँग्रेसका जिल्ला सदस्य अर्जुन दाहाल, चोकबहादुर ठाडा, शेरबहादुर भ्लोन, काँग्रेस क्षेत्र नम्बर १ का उपसभापति डिल्ली घोरासैनी, सचिव सुवात सिं थिङ, कोषाध्यक्ष खेलप्रसाद पौडेल, महासमिति सदस्य धर्मराज लामिछाने, महासमिति सदस्यहअरु, दिलबहादुर भोम्जन, मानबहादुर पाटा, ज्ञानबहादुर माझी लगायतले मन्तव्य व्यक्त गरे ।
अगुवा कार्यकर्ता प्रशिक्षण कार्यक्रममा एमाले परित्याग गर्दै रामहरि केसी, गिता निमावि भोर्लेनीका विद्यालय व्यवस्थापन समितिका अध्यक्ष चन्द्रबहादुर श्रेष्ठलगायतका ५३ जना कार्यकर्ता नेपाली काँग्रेसमा प्रवेश गरेकोे काँग्रेस मकवानपुरका १ नम्बर क्षेत्रीय सभापति खनालले जानकारी दिए ।