काँग्रेस मकवानपुरले चयन गर्यो ३ गाउँपालिकामा सभापति

२४मंसिर,हेटौंडा। नेपाली काँग्रेस मकवानपुरले मकवानपुरका ३ गाउँपालिका सभापति चयन गरेको छ।केन्द्रीय प्रतिनिधि एवम् निर्वाचन अधिकृत कृष्णप्रसाद न्यौपानेले स्थानीय तह अन्तर्गत सभापति चयन गर्न बाँकी ५ गाउँपालिका मध्ये ३ गाउँपालिकाको सभापति चयन गरिएको बताए।

समायोजनसंगै नेपाली कांग्रेस क्षेत्र नम्बर २ को भीमफेदी गाउँपालिका सभापतिमा सञ्जिव श्रेष्ठ, कैलाश गाउँपालिका सभापतिमा सूर्यबहादुर तितुङ र मनहरी गाउँपालिका सभापतिमा नारायण उप्रेती चयन भएको निर्वाचन अधिकृत न्यौपानेले बताए । बाँकी २ गाउँपालिका राक्सीराङ र ईन्द्रशरोबरको भने भोली २५ गतेसम्म टुंग्याईने निर्वाचन अधिकृत न्यौपाने जानकारी दिएका छन् ।

सभापति चयनपछि कांग्रेस मकवानपुर पार्टी सभापति एवं कांग्रेस ३ नम्बर प्रदेश संसदीय दलका नेता ईन्द्रबहादुर बानियाँले प्रमाणपत्र दिंदै कार्यसफलताको कामना गरेका थिए।यसअघि प्रतिनिधिसभाको दुई, प्रदेशसभाको चार र पाँच वटा स्थानीय तहको सभापतिहरु समायोजन गरिएको थियो ।

समायोजनसँगै नेपाली काँग्रेस मकवानपुर क्षेत्र नम्बर १ को सभापतिमा दामोदर खनाल र २ नम्बर क्षेत्रीय सभापतिमा यतिराज सापकोटा, क्षेत्र नम्बर १ को प्रदेशसभा (क) मा डिल्लीप्रसाद घोरासैनी, क्षेत्र नम्बर १ को (ख) मा ताराप्रसाद चौलागाई, क्षेत्र नम्बर २ को प्रदेशसभा (क) मा सुजन गोपाली र क्षेत्र नम्बर २ को (ख) मा लोकबहादुर मुक्तान सभापति चयन भएका थिए ।त्यस्तै थाहा नगरपालिकाको नगर सभापतिमा योगेन्द्रमान श्रेष्ठ, हेटौंडा उपमहानगरपालिकाको नगर सभापतिमा आनन्दराम पराजुली, गढी गाउँपालिकाको सभापतिमा राजविर मोक्तान, बागमती गाउँपालिकाको सभापतिमा भक्तबहादुर राई र बकैया गाउँपालिकाको सभापतिमा भूमिनन्द गौतमलाई समायोजन गरिसकिएको निर्वाचन अधिकृत न्यौपानेले जानकारी दिए ।