जिपि कोइराला र प्रजातन्त्रका लागी अपहरण नामक बृत्तचित्र हेटौंडामा प्रदर्शन हुने

२६मंसिर, हेटौंडा। यहि मंसिर २८ गते शनिबार नेपालका पुर्व प्रधानमन्त्री एव प्रजातान्त्रिक योद्धा स्वा. गिरिजा प्रसाद कोइरालाको जीवन घटनामा आधारित प्रजातन्त्रका लागी अपहरण नामक बृत्तचित्र हेटौडामा प्रर्दशन हुने भएको छ ।

जिपि कोइराला फाउन्डेसन मकवानपुरको आयोजनामा उक्त वृत्तचित्र प्रदर्शन हुन लागेको हो। बिहिबार जी पी कोइराला फाउन्डेशन मकवानपुरले हेटौंडामा पत्रकार सम्मेलनको आयोजना गर्दै यस बिषयमा जानकारी गराएको हो। 

जी पी फाउन्डेसनका केन्द्रीय सदस्य सुजाता कोइरालाको उपस्थितिमा यहि मंसिर २८ गते हेटौडाको ओ म्याक्स चलचित्र हलमा बृत्तचित्र प्रर्दशन गरिने फाउन्डेसन मकवानपुरका संयोजक नारायण प्रसाद लम्सालले जानकारी दिएका छन्। उनले पत्रकार सम्मेलनमा बोल्दै नेपाली कांग्रेसले प्रजातन्त्र प्राप्तिका लागि बि सं २०३० मा बिमान अपहरण गर्दाका घटना र गीरिजा प्रसाद कोइरालाले प्रजातन्त्रको लडाँइमा बेहोरेको यातना समेटिएको वृत्तचित्र प्रदर्शन गरिने लागिएको बताएका छन्। बृत्तचित्र प्रर्दशनबाट उठेको रकम  जी पी फाउन्डेसनको सहयोगार्थ हुने   संयोजक लम्सालले बताए।उनले केन्द्रीय सदस्य तथा जिपि कोइराला पुत्री कोइरालाले २८ गतेनै फाउन्डेसनको मकवानपुर कार्यालय समेत उद्घाटन गर्ने जानकारी दिएका छन्। 

पत्रकार सम्मेलनमा कार्यक्रममा नेपाली काँग्रेस मकवानपुरका कार्यबाहक सभापति बिष्णु लामिछाने, फाउन्डेसनका मकवानपुर सचिव रामहरि तिमल्सिना सहित फाउन्डेसनका  पदाधिकारीहरुको उपस्थिति रहेको थियो।