विपि कप फुटबलको दोश्रो संस्करण पुष १० गतेबाट

२८मंसिर, हेटौँडा । विपि कप फुटबलको दोश्रो संस्करण पुष १० गतेबाट  १६ गतेसम्म हेटौँडामा सञ्चालन हुने भएको छ।
नेपाल लोकतान्त्रिक खेलकुद संघ मकवानपुरको आयोजनामा हुने फुटबलको दोश्रो संस्करण पुष १० गतेदेखि हेटौंडामा आयोजना हुने भएको छ ।शनिबार हेटौंडामा पत्रकार सम्मेलनको आयोजना गर्दै लोकतान्त्रिक खेलकुद संघले यसबारे जानकारी गराएको हो। 
प्रतियोगिताको विजेताले रनिङ शिल्ड सहित नगद ५० हजार रुपैयाँ, दोश्रो हुनेले २५ हजार रुपैयाँ पुरस्कार पाउने प्रतियोगिता संयोजक प्रदीप कंडेलले जानकारी दिएका छन।आयोजित पत्रकार सम्मेलनमा विधागत उत्कृष्ट हुनेले नगद २ हजार ५ सय रुपैयाँ, प्रत्येक खेलको म्यान अफ द म्याचले नगद १ हजार रुपैयाँ पुरस्कार पाउने जानकारी गराइएको छ । 
एउटा टिममा १४ जना खेलाडी, एक व्यवस्थापक र एक प्रशिक्षक गरी १६ जनाको सहभागिता रहने रनिङ शिल्ड फुटबल प्रतियोगिता ९ ए साइड अन्र्तगत खेलाईने र खेल हेटौँडा ४मा रहेको लोकतान्त्रिकचौर हुप्रचौरमा खेलाईने नेपाल लोकतान्त्रिक खेलकुद संघ मकवानपुरका अध्यक्ष सविन भट्टाचार्यले जनाएको छ । प्रतियोगिताका लागि ७ लाख २० हजार रुपैयाँ खर्च हुने आयोजकको अनुमान गरेको छ ।