मानिकलाल स्मृति फुटवलमा ताम्सालिङ र सयपत्री सेमीफाइनलमा

५ फागुन, हेटौंडा । मकवानपुरको पश्चिमी क्षेत्र सरिखेतमा मानिकलाल स्मृति प्रतिष्ठानको आयोजनामा भईरहेको ४ नम्बर क्षेत्रस्तरीय फुटवल प्रतियोगितामा बिहीबार ताम्सालिङ युवा क्लव कालिकाटार र सयपत्री युवा क्लव सुनाचुरी विजयी भएको छ ।

बिहिबार भएको पहिलो क्वाटरफाइनल खेलमा द स्टार युवा क्लव राक्सीराङ र ताम्सालिङ युवा क्लव कालिकाटारबीच भएको प्रतिस्पर्धामा  ताम्सालिङले २–० ले द स्टार युवा क्लव राक्सीराङलाई पराजित गरेको छ भने दोश्रो खेलमा सयपत्री युवा क्लव सुनाचुरीले दिल्लीपुर युवा क्लव हाँडीलाई ६–० को भारी गोलअन्तरले पराजित गरेको हो । 

शुक्रबारको पहिलो सेमीफाइनल खेल ताम्सालिङ युवा क्लव कालिकाटार र कालिकाटार युथ क्लव कालिकाटारबीच हुनेछ भने दोश्रो सेमीफाइनल खेल सयपत्री युवा क्लव र पाष्टर एशोसियन मनहरीबीच हुने प्रतियोगिता संयोजक बीरेन्द्र जिम्बाले जानकारी दिए ।

मकवानपुरको ४ नम्बर क्षेत्रका १२ टिमले सहभागिता जनाएको प्रतियोगितामा प्रथम हुने टिमले ३० हजार र दोस्रो हुने टिमले नगद १५ हजारसहित शिल्ड र प्रमाणपत्र पाउने प्रतियोगिताको फाइनल फागुन ७ गते हुने भनिएपनि प्रजातन्त्र दिवस परेकाले एकदिन पछि सरेर फागुन ८ गते हुनेछ ।