फाइनलमा ताम्सालिङ र सयपत्री भिड्ने

६ फागुन, हेटौंडा । मकवानपुरको पश्चिमी क्षेत्र सरिखेतमा मानिकलाल स्मृति प्रतिष्ठानको आयोजनामा भईरहेको ४ नम्बर क्षेत्रस्तरीय फुटवल प्रतियोगिताको शुक्रबार भएको सेमिफाइनलबाट ताम्सालिङ युवा क्लव कालिकाटार र सयपत्री युवा क्लव सुनाचुरी विजयी हुँदै फाइनलमा प्रवेश गरेको छ ।
शुक्रबार भएको पहिलो सेमीफाइनल खेलमा ताम्सालिङ युवा क्लव कालिकाटारले कालिकाटारकै अर्को टिम कालिकाटार युथ क्लवलाई ६–२ को भारी गोल अन्तरले पराजित गर्दै फाइनलमा आफ्नो सिट सुरक्षित गरेको हो ।
त्यस्तै दोश्रो सेमिफाइनल खेलमा सयपत्री युवा क्लवले पाष्टर एशोसिन मनहरीलाई १–० गोल अन्तले हराउँदै फाइनलको यात्रा तय गरेको हो । फागुन ८ गते आईतबार ताम्सालिङ युवा क्लव कालिकाटार र सयपत्री युवा क्लबवीच प्रतिस्पर्धा हुनेछ ।
मकवानपुरको ४ नम्बर क्षेत्रका १२ टिमले सहभागिता जनाएको प्रतियोगितामा प्रथम हुने टिमले ३० हजार र दोस्रो हुने टिमले नगद १५ हजारसहित सिल्ड र प्रमाणपत्र पाउने प्रतियोगिताको फाइनल खेलको नेपाली काँग्रेसकी केन्द्रीय सदस्य महालक्ष्मी उपाध्याय डिनाले समापन गर्ने कार्यक्रम रहेको प्रतियोगिताका संयोजक बीरेन्द्र जिम्बाले जानकारी दिए ।