बीपी कपमा वडा नम्बर २ सहित ४ टिम विजयी

११ पुस, हेटौँडा ।नेपाल  लोकतान्त्रिक खेलकुद संघ मकवानपुरको आयोजनामा हेटौँडाको हुप्राचौरमा जारी दोस्रो बीपी कप फुटबल प्रतियोगितामा शुक्रबार ४ खेल भएका छन ।
शुक्रबार भएको हेटौंडा वडा नम्बर २ र भीमफेदी गाउँपालिका बिचको खेलमा हेटौँडा २ विजयी भएको छ । हेटौँडा २ ले भिमफेदीलाई १ का विरुद्ध सुन्य गोल अन्तरले पाखा लगाउदै विजयी बनेको हो । हेटौँडा २ लाई जिताउन विनोद प्रजाले निर्णायक गोल गरेका थिए। 
त्यसैगरी दोस्रो खेलमा हेटोंडा–७ ले हेटँौडा १४ लाई २का विरुद्ध ० गोल अन्तरले पराजीत गरेको छ । हेटौंडा–७ लाई जित दिलाउन राजेन्द्र थापाले दुई गोल गरे । उनी खेलेको म्यान अफ दी म्याच चुनिएका थिए । 
त्यसैगरी आजै भएको हेटौंडा ९ का विरुद्ध हेटौँडा १९ बिचको खेलमा १ का विरुद्ध सुन्य गोलले हेटौँडा १९ विजयी भएको छ । निकै प्रतिस्पर्धात्मक खेलमा हेटौंडा–१९ का लागि सुनिल सुनारले गरेको गोल गरेका थिए ।
 त्यसैगरी हेटौंडा ८ ले हेटौँडा १५ लाई १–० गोलअन्तरले पराजित गरेको छ । हेटौँडा ८लाई जित दिलाउन जितमा बेञ्जन घिमिरेले निर्णायक गोल गरेका थिए । जित निकालेसंगै हेटौँडा २, ७, १९ र ८ अघिल्लो चरणमा प्रवेश गरेको छन ।पुस १६ गतेसम्म सञ्चालन हुने प्रतियोगितामा २२ टोलीको सहभागिता रहेको छ । प्रतियोगिता विजेताले रनिङ शिल्ड सहित नगद ५० हजार रुपैया ,दोस्रो हुनेले २५ हजार रुपैयाँ पुरस्कार पाउने प्रतियोगिता प्राप्त गर्नेछन् ।