दलित संघ मकवानपुरमा अनिल

१५ फागुन, हेटौँडा । नेपाल दलित संघ मकवानपुरको अध्यक्षमा अनिल विश्वकर्मा चयन भएका छन् । संघको आइतबार भएको पाँचौं जिल्ला अधिवेशनले अनिलको नेतृत्वमा नयाँ कार्यसमिति चयन गरेको हो ।

समितिको उपाध्यक्षमा खिलबहादुर खाती, गौरव विक, सचिव अमिक परियार, कोषाध्यक्षमा रुपा विश्वकर्मा र सहसचिवमा बलराम मेग्राती रहेका छन् । संघको सदस्यमा युक्त विश्वकर्मा, उमेश विश्वकर्मा, सोनु परियार, सूर्य विक, उमेश सुनुवार, तुलबहादुर विक, सिता परियार, उर्मिला चुनारा, लोकबहादुर विक, सन्तोष विश्वकर्मा, अशोक विश्वकर्मा, अनिता विश्वकर्मा, गोपि विक लगायत रहेका छन् ।

नेपाली काँग्रेसका केन्द्रीय सदस्य महालक्ष्मी डिना उपाध्यायको प्रमुख आतिथ्यता एवं संघका अध्यक्ष मिलन परियारको अध्यक्षतामा भएको कार्यक्रममा जिल्ला सभापति एवं संस्कृति, पर्यटन तथा नागरिक उड्डयन राज्यमन्त्री ईन्द्रबहादुर बानियाँ, नेपाल दलित संघका केन्द्रीय सदस्य रमेश अच्छामी, नेपाली काँग्रेस मकवानपुरका उपसभापति विष्णुप्रसाद लामिछाने, प्रमूख सल्लाहकार माईकल रामचन्द्र अर्याल, निवर्तमान सभापति रघुरमण न्यौपाने, जिल्ला सचिव बुद्ध लामा, आनन्द कठायत, जिल्ला कोषाध्यक्ष तथा दलित संघका केन्द्रीय सदस्य गोपीलाल विश्वकर्मा, पार्टीका प्रवक्ता प्रदिप कोईराला, संगठन विभाग प्रमूख कृष्णप्रसाद सञ्जेल, मजदुर विभाग प्रमूख हरि वाग्ले, पवित्रा बिकलगायतले मन्तव्य व्यक्त लगायतले मन्तव्य व्यक्त गरेका थिए ।