माओवादी केन्द्रको कैलाश र राक्सीराङमा भेला

१५ फागुन, हेटौँडा । नेकपा माओवादी केन्द्र कैलाश गाउँपालिका अन्र्तगत वडा नं ३ र ४ को संयुक्त वडा भेला सम्पन्न आईतबार भएको छ । पार्टी पोलिटव्यूरो सदस्य एवम् मकवानपुर जिल्ला ईन्चार्ज कुमारी मोक्तानको प्रमुख आतिथ्यता रहेको थियो ।

३ नम्वर वडा कमिटी अध्यक्षमा जगतनाथ भुजेल अध्यक्ष रहने गरि २१ सदस्यीय कमिटि चयन भएको छ । जसको उपाध्यक्षमा अवतार सिं घलान, सचिवमा राममाया रिजाल,सहसचिवमा वालचन्द्र मल्ल, कोषाध्यक्षमा चन्द्र बहादुर सुनार रहेका छन् । त्यसैगरि ४ नम्वर वडा अध्यक्षमा तिलक मोक्तान अध्यक्ष रहने गरि १९ सदस्यीय कमिटि चयन भएको छ । जसको उपाध्यक्षमा सीताराम मोक्तन, सचिवमा सुनिता दोङ, कोषध्यक्ष मनोज प्रजा रहेको सञ्चार विभाग प्रमुख कमान सिं पाख्रिन पृथकले जानकारी दिए ।

जिल्ला आयोजक समिति सदस्य दीर्घ सिं मोक्तानको सभाध्यक्षतामा भएको कार्यक्रममा विभिन्न पार्टी परित्याग गरि ५६ जना पार्टीमा प्रवेश गरेका थिए । कार्यक्रममा कैलाश गाउँपालिका इन्चार्ज बालकुमार मल्ल, नरेन्द्र रिजाल लगायतको आतिथ्यता रहेको थियो ।
यसैगरी, नेकपा माओवादी केन्द्र मकवानपुरको राक्सीराङ चैनपुर गाउँपालिका अन्र्तगत वडा नम्वर २, ४ र ५ नम्वर वडामा भेला सम्पन्न भएको छ । केन्द्रीय सल्लाहकार राजमान वाइवाको अध्यक्षतामा भएको भेलामा केन्द्रीय कार्यालय सदस्य तथा पूर्व कृषि मन्त्री हरिबोल गजुरेलको प्रमुख आतिथ्यता रहेको थियो । आइतबार भएको भेलामा वडा नम्वर २ मा नरबहादुर मोक्तानको अध्यक्षतामा २१ सदस्यीय कमिटी गठन भएको छ । त्यसैगरी ३ नम्वर वडामा लालबहादुर थोकरको अध्यक्षतामा २१ सदस्यीय कमिटी चयन भएको छ ।

४ नम्वर वडामा राजबहादुर नेगीको अध्यक्षतामा १९ सदस्यीय कमिटी विस्तार गरेको छ । ५ नम्वर वडामा चन्द्रसिं प्रजाको अध्यक्षतामा २१ सदस्यीय कमिटी चयन भएको छ । कार्यक्रममा मकवानपुर जिल्ला पार्टी इन्चार्ज कुमारी मोक्तान, अखिल नेपाल सुकुम्बासी संघका केन्द्रीय अध्यक्ष दीपक राई, राक्सीराङ चैनपुर गाउँपालिका इन्चार्ज प्रदिप घलान, वनस्तम थिङ, रामहरी नेपालीलगायतको आतिथ्यता रहेको थियो ।