सुमार्गी कपको उपाधी कलैया क्रिकेट क्लबलाई

११माघ,हेटौंडा।छैठौं स्व.माधवराज सुमार्गी टि ट्वान्टी क्रिकेट कपको उपाधी कलैया क्रिकेट क्लब कलैयाले हात पारेको छ । मकवानपुर क्रिकेट संघको आयोजना एवं हेटौडा एकेडेमीको प्रायोजनमा हुप्रचौरमा शनिबार भएको प्रतियोगिताको फाइनल खेलमा कलैयाले विरगन्ज युनाइटेडलाई २५ रनले पराजित गरेको हो । 

टस जितेर ब्याटिङ रोजेको कलैयाले विरगंजलाई १ सय ५४ रनको विजय लक्ष्य दिएको थियो । विरगन्ज १ सय २८ रनमै अलआउट भएपछि उपाधी कलैयाले हात पारेको थियो । शनिबारको खेलको म्यान अफ द म्याच कलैयाका रवि शाह घोषित भएका थिए । प्रतियोगिताको उत्कृष्ट व्याट्सम्यान चितवन क्रिकेट क्लबका साकार ढकाल र उत्कृष्ट बलर विरगन्ज युनाइटेडका सैदुल्ला अन्सारी घोषित भएका थिए । म्यान अफ द सिरिज कलैयाका कुमार थापाले हात पारेका छन् । 

प्रतियोगिताको बिजेता टिम कलैया क्रिकेट कलबले नगद ४० हजार तथा सिल्ड र मेडल प्राप्त गरेको छ भने उपविजेता विरगन्ज युनाइटेड क्रिकेट कलबलले २० हजार नगद सहित शिल्ड मेडल, प्रमाणपत्र प्राप्त गरेको छ । हेटौंडा उपमहानगरपालीकाकी उपप्रमुख मिना लामाको प्रमुख आतिथ्यता एवं मकवानपुर क्रिकेट संघका अध्यक्ष बासुलाल श्रेष्ठको सभाध्यक्षतामा कार्यक्रम भएको थियो । कार्यक्रममा जिल्ला फुटबल संघका अध्यक्ष टिका लामा, वडा प्रहरी कार्यालय हेटौडाका प्रहरी निरीक्षक ईश्वरी प्रसाद भण्डारी,जिल्ला खेलकुद बिकाश समितिका कार्यलय प्रमुख राजन दाहाल लगायतले मन्तव्य व्यक्त गरेका थिए ।