थाहा पाउनुहोस् : निर्वाचनमा कुन दिन के हुन्छ

६ चैत, हेटौँडा । स्थानीय तहको निर्वाचनको प्रक्रिया बैशाख १६ गतेबाट शुरु हुने भएको छ । बैशाख ३१ गते हुने मतदानका लागि बैशाख १६ गतेदेखि प्रक्रिया शुरु हुने भएको हो ।
पहिलो दिन बैशाख १६ गते उम्मेदवारको मनोनयनपत्र दर्ता तथा सूचि प्रकाशत हुनेछ । विहान १० देखि बेलुकी ५ बजेसम्म मुख्य/निर्वाचन अधिकृतको कार्यालयमा उम्मेदवारको मनोनयन दर्ता हुनेछ भने ५ः३० बजे सूचि प्रकाशन हुनेछ । दोस्रो बैशाख १७ गते उम्मेदवारको विरोधमा उजुरी र मनोनयनपत्र जाँचको काम हुनेछ । विहान १० देखि दिउसो १ बजेसम्म उम्मेदवारको विरोधमा उजुरी दिने र १ बजेदेखि मनोनयन पत्र जाँचको काम हुने छ ।
तेस्रो दिन बैशाख १८ गते मनोनयन भएका उम्मेदवारको नामावली प्रकाशन र उम्मेदवारी फिर्ताको काम हुनेछ । विहान ११ः३० सम्म मनोनयनपत्र जाँच गर्ने र विहान ११ः३० देखि दिउँसो १ बजेसम्म नामावली प्रकाशन हुनेछ । दिउँसो १ देखि अपरान्ह ५ बजेसम्म उम्मेदवारले आप्mनो उम्मेदवारी फिर्ता लिन सक्नेछन् ।
चौथो दिन बैशाख १९ गते अन्तिम नामावली प्रकाशन र निर्वाचन चिन्ह प्रदान हुनेछ । विहान १० देखि ११ बजेसम्म अन्तिम नामावली प्रकाशन हुनेछ भने विहान ११ बजेदेखि अपरान्ह ५ बजेसम्म उम्मेदवारको निर्वाचन चिन्ह प्रदान हुनेछ ।
अन्तिम तथा महत्वपूर्ण दिन बैशाख ३१ गते आइतबार स्थानीय तहका प्रतिनिधिका लागि मतदान हुनेछ । बैशाख ३१ गते विहान ७ बजेदेखि अपरान्ह ५ बजेसम्म तोकिएका मतदान केन्द्रमा मतदान हुनेछ । सम्भव भएसम्म साँझबाट र नभए भोलीपल्टबाट मतगणना गरी अन्तिम नतिजा सार्वजनिक हुनेछ ।