काँग्रेसको पहिलोचरणको चुनावी अभियान सकियो

१० चैत, हेटौंडा । नेपाली काँग्रेस मकवानपुरको पहिलो चुनावी अभियान बिहिबारबाट सकिएको छ । नेपाली काँग्रेस हेटौंडा उपमहानगरपालिकाको नयाँ संरचना अन्तरगत चैत १ गतेदेखि हेटौंडा उपमहानगरको १९ वटै वडा,  थाहा नगरको १२ वटै वडा तथा ८ वटै गाउँपालिकामा वडा भेला तथा बृहत अन्तरक्रिया गर्ने कार्यक्रम तय भएको थियो ।
पार्टी निर्देशन अनुसार क्षेत्र नम्बर १ का बाग्मती र बकैया गाउँपालिका र हेटौंडा नगरको ३ वटा वडामा भेला तथा अन्तरक्रिया कार्यक्रम सकिएको क्षेत्र नम्बर १ का सभापति दामोदर खनालले जानकारी दिए ।
त्यस्तै क्षेत्र नम्बर २ का मकवानपुर गढी, भीमफेदी र ईन्द्र शरोबर गाउँपालिका थाहानगर पालिकाको १२ वटा वडामा भेला तथा अन्र्तक्रिया सकिएको क्षेत्रीय सभापति यतिराज सापकोटाले बताए ।
त्यस्तै क्षेत्र नम्बर ३ मा रहेको हेटौंडा उपमहानगरपालिकाको १६ वटै वडामा बृहत भेला तथा अन्र्तक्रिया कार्यक्रम भएको ३ नम्बर क्षेत्रीय सभापति तारानाथ चौलागाईले जानकारी दिए । क्षेत्र नम्बर ४ मा रहेको कैलाश, राक्सीराङ र मनहरी गाउँपालिकाको सबै वडामा पहिलो चरणको चनावी अभियान अन्र्तगत भेला तथा  अन्तरक्रिया कार्यक्रम सम्पन्न गरेको ४ नम्बर क्षेत्रीय सभापति लोकबहादुर मुक्तानले जानकारी दिए ।

चैत १२ गते शनिबार नेपाली काँग्रेसका महामन्त्री सशांक कोईराला प्रमूख अथिति, केन्द्रीय सदस्यद्वय महालक्ष्मी उपाध्याय डिना र विश्वप्रकाश शर्माको समुपस्थितिमा जिल्ला भेला हुने कार्यक्रम छ ।