कोरोनाबाट चौबिस घण्टामा ८ सयबढीको ज्यान गयो

५ फागुन, हेटौंडा । विश्वव्यापी महामारीको रुप लिएको कोरोना भाइरसको संक्रमणबाट वितेको चौबिस घण्टामा ८ सय १७ जनाको ज्यान गएको छ । 
चीनको बुहानबाट सुरु भएको भाइरसको संक्रमणबाट अहिले सम्म ७ हजार ९७९ जनाको मृत्यु भइसकेको छ । 
यस्तै कुल संक्रमित एक लाख ९८ हजार ३४८ जना भध्ये ८२ हजार ७६३ जना उपचार पछि घर फर्किएका छन् भने १ लाख सात हजार ७०६ जनाको उपचार चलिरहेको छ । 
गएको २४ घण्टामा १५ हजार ८७४ जनामा थप संक्रमण देखिएको छ । ६ हजार ४१६ जनाको अवस्था गम्भिर रहेको जनाइएको छ ।  
चीनबाट सुरु भएको भाइरसको संक्रमणको प्रभाव पछिल्लो सबैभन्दा बढी युरोपियन मुलुकहरुमा देखिएको छ । चीनपछि सबैभन्दा धेरै इटलीमा कोरोनाको संक्रमणबाट ज्यान गएको छ ।
पछिल्लो २४ घण्टामा तीन हजार पाँच सय २६ जनामा सङ्क्रमण देखिएकोमा तीन सय ४५ जनाको ज्यान गएको छ । 
भाइरसका कारण इटलीमा ज्यान गुमाउनेको संख्या दुई हजार पाँच सय तीन पुगेको छ । 
यस्तै इटली पछि स्पेनमा पनि ज्यान गुमाउनेको संख्या बढी छ । स्पेनमा गएको २४ घण्टामा १९१ जनाको ज्यान गएको छ भने १ हजार १८४ जना नयाँ संक्रमित थपिएका छन् ।
कोरोना भाइरसको संक्रमणबाट चीन पछि इटली, स्पेन, इरान, फ्रान्स, अमेरिका, दक्षिण कोरिया, बेलायत, नेदरल्याण्ड, स्विजरल्याड, जर्मनी जस्ता विकसित मुलक सबभन्दा बढी प्रभावित भएका छन् ।