काँग्रेस गढी गाउँपालिकाको बनभोज तथा अन्तरक्रिया

१४ चैत, हेटौंडा । नेपाली काँग्रेस गढी गाउँपालिकाको अायोजनामा धरमपानीमा बनभोज तथा अन्तरक्रिया कार्यक्रम भएको छ ।
साविक गढी गाविस सभापति राजविर मोक्तानको सभाध्यक्षता तथा काँग्रेस मकवानपुरका सभापति, नेपाल सरकारका गृहराज्यमन्त्री ईन्द्रबहादुर बानियाँको प्रमूख आथित्यतामा बनभोज तथा बृहत कार्यक्रम भएको हो ।
बानियाँले काँग्रेसको पक्षमा देशभर जनमत रहेको र मकवानपुरमा पनि क्षेत्र नम्बर १ बाट शुरु भई विस्तारै जिल्लाभरी नै काँग्रेसको पक्षमा जनलहर आएकाले कार्यकर्तालाई ढुक्क भई निर्वाचनको प्रचारप्रसारमा लाग्न अाग्रह गरे ।
गृहराज्यमन्त्री बानियाँले काँग्रेसले जिल्लामा गरेका विकास निर्माण कामको प्रचार गर्न कन्च्युस्याई नगर्न कार्यकर्ताहरुलाई आग्रह गर्दैै स्थानीय तहको निर्वाचनमा टिकट जोसुकैले पाएपनि विना पूर्वाग्रह चुनाव प्रचारमा लाग्न सुझाव दिए ।
बनभोज तथा अन्र्तक्रिया कार्यक्रममा विभिन्न पार्टी परित्याग गरी ७६ जना नेपाली काँग्रेसमा प्रवेश गरेका छन् । उनीहरुलाई राज्यमन्त्री बानियाँले टिका तथा खाँदा लगाएर स्वागत गरेका थिए ।
कार्यक्रममा पार्टीका कोषाध्यक्ष गोपीलाल विश्वकर्मा, क्षेत्र नम्बर १ र २ का क्षेत्रीय सभापतिहरु दामोदर खनाल र यतिराज सापकोटा, जिल्ला सदस्यहरु गोपी अधिकारी, अर्जुन दाहाल, महासमिति सदस्य विष्णुप्रसाद दाहाल, हेटौंडा उपमहानगर समितिका सभापति आनन्दराम पराजुली, १ नम्बरका क्षेत्रीय सचिव सुवात सिं थिङ, नेपाल शिक्षक संघका केन्द्रीय सदस्य अर्जुनप्रसाद चौलागाई, आम्भज्याङ गाविसका पूर्व सभापति बलराम घिमिरे, तरुण दल जिल्ला सचिव सचित थापा, दोर्जे लामालगायतले मन्तव्य व्यक्त गरेका थिए ।