काँग्रेसको बाग्मती-३ मा वडा भेला

१५ चैत, हेटौंडा । नेपाली काँग्रेस बाग्मती गाउँपालिकाको वडा नम्बर ३ (साविक राईगाउँ ८ र ९) मा निर्वाचन परिचालन तथा प्रचारप्रसार समितिको मंगलबार वडा भेला भएको छ । 
साविक राईगाउँ ९ का वडा सभापति सुनाजित भोम्जनको सभाध्यक्षता तथा जिल्ला सदस्य चोकबहादुर ठाडाको प्रमूख आथित्यतामा कार्यक्रम भएको हो ।
कार्यक्रममा विशिष्ट अथिति जिल्ला सदस्य शेरबहादुर लामा, अथितिहरु १ नम्बर क्षेत्रका क्षेत्रीय कोषाध्यक्ष खेलप्रसाद पौडेल, क्षेत्रीय प्रतिनिधी कुपनारायण फुयाँल, उपेन्द्र राई, लक्ष्मी राई, क्षेत्रीय सदस्य सुमित्रा राई, मनमाया नेपाली, तरुण दल जिल्ला सदस्य सन्तोष सापकोटा, शिक्षक संघका शंकर पराजुली, फणिन्द्र तिमल्सिनालगायतले मन्तव्य व्यक्त गरेका थिए ।
कार्यक्रममा माओवादी केन्द्रका जिल्ला सदस्य बीरबहादुर गोलेलगायत एमाले एमाओवादी र राप्रपा पार्टी परित्याग गरी २५ जना नेपाली काँग्रेसमा प्रवेश गरेका थिए । बाग्मती गाउँपालिकाको ३ नम्बर वडामा विजय जिम्माको संयोजकत्वमा ३१ सदस्यीय निर्वाचन परिचालन कमिटि गठन गरिएको छ भने करसाङ पाख्रिनको संयोजकत्वमा २५ सदस्यीय तरुण बुथ ईकाईसमेत गठन गरिएको छ ।

चुनाव प्रचारप्रसार समितिको क्षेत्र नम्बर १ अन्तरगत यही चैत १० गतेबाट २१ गतेसम्म प्रत्येक वडामा भेला गर्ने कार्यक्रम रहेको निर्वाचन प्रचारप्रसार समितिका सदस्य सापकोटाले बताए ।