बकैया ४ मा तिमल्सीना

१६ चैत्र, हेटौँडा । नेकपा एमाले बकैया गाउँपालिका अन्र्तगत वडा नं ४ मा वडा कमिटि निर्माण भएको छ । बकैया गाउँपालिकाको गोठखोलामा भएको वडा भेलाले अर्जुनप्रसाद तिमल्सिनाको अध्यक्षतामा ३१ सदस्यीय वडा कमिटि निर्माण गरिएको हो ।

वडा कमिटिको सचिवमा सुष्मिता घोरासैनी चयन भएकी छिन् । एमाले जिल्ला सदस्य प्रेमबहादुर डिमडुमको प्रमुख आतिथ्यतामा भएको कार्यक्रममा एमाले जिल्ला सदस्य तथा बकैया संयोजक दलबहादुर वाईवा, एमाले जिल्ला सल्लाहाकार सदस्य कृष्णप्रसाद चौँलागाँई, एमाले पुर्व क्षेत्रीय अध्यक्ष बेलप्रसाद दाहाल, एमालेका नेताहरु राजन दंगाल, राधेश्याम राई, सिता खनाल, बुद्ध लोप्चन लगाएतले मन्तब्य ब्यक्त गरेका थिए । भेला रामप्रसाद बजगाँईको अध्यक्षतामा भएको हो ।
बकैया ११ मा एमाले कमिटि
नेकपा एमाले बकैया गाउँपालिका अन्र्तगत वडा नंबर ११ ठिंगनमा वडा कमिटि निर्माण भएको छ । आज भएको वडा भेलाले डुलप्रसाद दाहालको संयोजकत्वमा ३१ सदस्यीय वडा कमिटि निर्माण गरिएको हो । वडा कमिटि सहसंयोजकमा प्रेमराज घलान, सचिव शुकरा भोम्जन तथा उपसचिवमा शंकरकुमार घलान चयन भएका छन ।

एमाले प्रदेश नंबर ३ का सदस्य कृष्णप्रसाद दाहालको प्रमुख आतिथ्यतामा भएको कार्यक्रममा एमाले जिल्ला सदस्य तथा बकैया गाउँपालिका संयोजक दलबहादुर वाइवा, पुर्व जिल्ला सदस्य डिल्लीप्रसाद दाहाल लगाएतले मन्तब्य ब्यक्त गरेका थिए । कार्यक्रम एमाले ठिंगनका पुर्व अध्यक्ष शिबराम ढकालको अध्यक्षतामा भएको हो ।