कोरोनाका संक्रमितको संख्या ६ लाख ६३ हजार नाघ्यो

१६ चैत, हेटौंडा । विश्वका १९९ देशमा फैलिएको कोरोना भाइरस (कोभिड–१९) का कारण संक्रमित हुनेको संख्या ६ लाख ६३ हजार पुगेको छ । 
यस्तै मृतकको संख्या ३१ हजार पुगेको छ । त्यसैगरी संक्रमितमध्ये १ लाख ४२ हजार निको भएर घर फर्केका छन् । संक्रमितमध्ये २५ हजार ४ सयको स्वास्थ गम्भीर छन । 
विश्वको सबैभन्दा बढी संक्रमित रहेको अमेरिकामा संक्रमितको संख्या १ लाख २३ हजार ४२८ पुगेको छ । पछिल्लो २४ घण्टामा मात्रै १९ हजार ३०२ नयाँ संक्रमित थपिएका छन् । मृतकको संख्या २ लाख २११ पुगेको छ भने २४ घण्टामा मृतकको संख्या ५१५ ले थपिएको छ । संक्रमित एकै दिन सबैभन्दा बढी हुने रेकर्ड पनि अमेरिकाले राखेको छ । 
यता इटालीमा ९२ हजार ४७२ संक्रमित छन् । मृतक १० हजार २३ पुगेका छन् । नयाँ मृतक ८८९ थपिएको छ । यसैगरी स्पेनमा संक्रमितको संख्या ७३ हजरा २३५ पुगेको छ भने ५ हजार ९ सय ८२ जनाले ज्यान गुमाएका छन् । फ्रान्समा पनि पछिल्लो २४ घण्टामा अन्यदिनको तुलनामा धेरैको ज्यान गएको छ ।
फ्रान्समा पछिल्लो २४ घण्टामा ३१९ जना मृत्यु हुँदा कुल मृत्यु हुनेको संख्या २ हजार ३१४ पुगेको छ । यता कोरोनाको उदगम चीनमा भने संक्रमित हुनेको संख्या दिनानुदिन घटिरहेहको छ । चीनमा पछिल्लो २४ घण्टामा संक्रमितको संख्या ४५ जना रहेको छ भने ५ जनाले मात्रै ज्यान गुमाएका छन् । चीनमा कुल ३३ सय जनाको ज्यान गएको छ भने संक्रमितको संख्या ८१ हजार ४३९ छ ।