कोरोना कहरः विश्वभर मर्नेको संख्या ३३ हजार ९ सय नाघ्यो

१७ चैत्र, हेटौंडा । विश्वभर महारामारीको रुपमा फैलिरहेको कोरोना भाइरस कोभिड–१९ का कारण मृत्यु हुनेको संख्या ३३ हजार ९ सय ५६ पुगेको छ ।
७ लाख २१ हजार ३ सय २३ जनामा भाइरस संक्रमणको पुष्टि भइसकेको छ । संक्रमितहरु ठूलो संख्यामा उपचार पछि निको पनि भएका छन् । पछिल्लो तथ्यांक अनुसार १ लाख ५१ हजार ४ जना उपचारपछि निको भएका छन् ।
कोरोनाको संक्रमणबाट सबैभन्दा बढी इटालीमा मृत्यु भएको छ । पछिल्लो २४ घण्टामा इटालीमा थप ७ सय ५६ जनाको मृत्यु भएपछि त्यहा मृतकको संख्या १० हजार ७ सय ७९ पुगेको छ । 
कोरोनासंग जुधिरहेको अर्को यूरोपेली मुलुक स्पेनमा एकैदिन थप ८ सय २१ जनाका मृत्यु भएको छ । त्यहां कोरोनाका कारण मृत्यु हुनेको संख्या ६ हजार ८ सय ३ पुगेको छ । 
यस्तै दक्षिणपूर्वि एसियन राष्ट्र इरानमा २ हजार ६ सय ४० जनाको मृत्यु भएको छ भने फ्रान्समा २ हजार ६ सय ६ जनाको मृत्यु भएको छ । 
पछिल्लो समय कोरोना भाइरसको इपिसेन्टरको रुपमा विकास भइरहेको अमेरिकामा थप २ सय ५१ जनाको मृत्यु भएको छ । यो संगै अमेरिकाका कोरोना संक्रमितको संख्या १ लाख ४१ हजार ८ सय ११ र मृत्यु हुनेको संख्या २४ सय ७१ पुगेको छ ।
बेलायतमा १ हजार २ सय २८ जनाको मृत्यु भएको छ । जर्मनीमा ५ सय ४१ जनाको मृत्यु भएको छ । कोरोना संक्रमण नियन्त्रण गरेको चीनमा हालसम्म ३ हजार ३ सय जनाको मृत्यु भएको छ ।