कोरोना कहरः विश्वभर मर्नेको संख्या ३७ हजार ७ सय नाघ्यो

१८ चैत्र, हेटौंडा । विश्वभर महारामारीको रुपमा फैलिरहेको कोरोना भाइरस कोभिड–१९ का कारण मृत्यु हुनेको संख्या ३७ हजार ७ सय ८१ पुगेको छ ।
७ लाख ८४ हजार ४ सय ४० जनामा भाइरस संक्रमणको पुष्टि भइसकेको छ । संक्रमितहरु ठूलो संख्यामा उपचार पछि निको पनि भएका छन् । पछिल्लो तथ्यांक अनुसार १ लाख ६५ हजार ३ सय ८७ जना उपचारपछि निको भएका छन् ।
कोरोनाको संक्रमणबाट सबैभन्दा बढी इटालीमा मृत्यु भएको छ । पछिल्लो २४ घण्टामा इटालीमा थप ८१२ जनाको मृत्यु भएपछि त्यहा मृतकको संख्या ११ हजार ५ सय ९१ पुगेको छ । 
कोरोनासंग जुधिरहेको अर्को यूरोपेली मुलुक स्पेनमा एकैदिन थप ९ सय १३ जनाको मृत्यु भएको छ । त्यहां कोरोनाका कारण मृत्यु हुनेको संख्या ७ हजार ७ सय १६ पुगेको छ । 
फ्रान्समा पनि मर्ने र संक्रमितको संख्या बढीरहेको तथ्याङकले देखाएको छ । फ्रान्समा अहिलेसम्म ४४ हजार ५ सय ५० जनामा संक्रमण भएको छ भने ३ हजार २४ जनाले ज्यान गुमाएका छन् । फ्रान्समा पछिल्लो २४ घण्टामा मात्रै ४ सय १८ जनाको ज्यान गएको छ । 
पछिल्लो समय कोरोना भाइरसको इपिसेन्टरको रुपमा विकास भइरहेको अमेरिकामा थप ५ सय ६५ जनाको मृत्यु भएको छ । यो संगै अमेरिकामा कोरोना संक्रमणबाट मृत्यु हुनेको संख्या ३ हजरा १ सय ४८ पुगेको छ भने संक्रमितको संख्या १ लाख ६३ हजरा ४९० पुगेको छ । अमेरिकामा एकैदिन १९ हजार ९ सय ९९ जना संक्रमित भएको पुष्टि भएको छ । 
यस्तै दक्षिणपूर्वि एसियन राष्ट्र इरानमा २ हजार ७ सय ५७ जनाको मृत्यु भएको छ भने ३ हजार १ सय ८६ जना नायँ संक्रमित थपिएसँगै कुल संक्रमितको संक्रमितको संख्या ४१ हजरा ४ सय ९५ पुगेको छ । 
कोरोना संक्रमणबाट बेलायतमा १ हजार ४ सय ८ जनाको मृत्यु भएको छ । यस्तै जर्मनीमा ६ सय ४५ जनाको मृत्यु भएको छ भने बेल्जियममा मृत्यु हुनेको संख्या ५ सय १३ पुगेको छ । 
कोरोना भाइरसको उदगमस्थल चीनमा भने कोरोनको नयाँ संक्रमण र मृत्यु हुनेको संख्या घटेको छ । पछिल्लो समय चीनमा नयाँ संक्रमित ७९ जना फेला परेका छन भने मृत्यु हुनेको पछिल्लो संख्या ५ जना मात्रै रहेको छ । 
चीनमा अहिलेसम्म ८१ हजार ५ सय १८ संक्रमित भएका छन् भने ३ हजार ३ सय ५ जनाको मृत्यु भएको छ । चीनमा ७६ हजार ५२ जना उपचारपछि निको भएका छन् ।