कोरोना कहरः मृत्यु हुनेको संख्या ४७ हजार नाघ्यो

२० चैत्र, हेटौंडा । विश्वभर महारामारीको रुपमा फैलिरहेको कोरोना भाइरस कोभिड–१९ का कारण मृत्यु हुनेको संख्या ४७ हजार नाघेको छ ।
यो समाचार तयार पार्दासम्म कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार अहिले सम्मे ज्यान गुमाउनेको संख्या ४७ हजार २ सय ४१ पुगेको हो ।
९ लाख ३५ हजरा ८ सय ४० जनामा भाइरस संक्रमणको पुष्टि भएको छ । संक्रमितहरु ठूलो संख्यामा उपचारपछि निको पनि भएका छन् ।
पछिल्लो तथ्यांक अनुसार १ लाख ९४ हजार २ सय ८६ जना उपचारपछि निको भएका छन् । कोरोनाको चर्को महामारी खेपिरहेको इटलीमा अहिलेसम्म १३ हजार १ सय ५५ जनाले ज्यान गुमाएका छन् । यो संख्या विश्वकै सबैभन्दा बढी हो ।  
यसैगरी कोरोनासंग जुधिरहेको अर्को यूरोपेली मुलुक ज्यान गुमाउनेको संख्या ९ हजार ३ सय ८७ पुगेको छ । 
यता पछिल्लो समय कोरोना भाइरसको इपिसेन्टर बनिरहेको अमेरिकामा अन्यदिनको तुलनामा पछिल्लो २४ घण्टामा मर्नेको संख्या धेरै बढेको छ । अमेरिकामा अहिलेसम्म ५ हजरा १ सय १० जनाले जयान गुमाएका छनु । 
यस्तै फ्रान्समा ४ हजार ३२, इरान, ३ हजार ३५, बेलायत २ हजार ३ सय ५२, स्विटजरल्याण्ड ४ सय ८८ जनाले ज्यान गुमाएका छन् ।
कोरोना भाइरसको उदगमस्थन चीनमा भने ज्यान गुमाउनेको संख्या स्थिर जस्तै भएको छ । पछिल्ला केही दिन यता चीनमा ज्यान गुमाउनेको संख्या निक्कै घटेको छ । यहाँ अहिलेसम्म ३ हजार ३ सय १२ जनाले ज्यान गुमाएका छन् ।