दक्षिण एसियाः भारत र पाकिस्तान कोरोनाको चपेटामा 

२७ चैत्र, हेटौंडा । विश्वभर महामारीको रुपमा फैलिरहेको कोरोना भाइरस कोभिड–१९ ले दक्षिण एसियाका देशहरुमा पनि आफनो प्रभाव देखाइरहेको छ ।
दक्षिण एसियाली देशहरुमा कोरोनाको संक्रमणबाट सबैभन्दा बढी भारतमा १ सय ७८ जनाको मृत्यु भएको छ । पछिल्लो समय १८ जनाको थप मृत्यु भएपछि भारतमा मर्नेको संख्या १ सय ७८ पुगेको हो । 
यस्तै भारतमा संक्रमितको संख्या पनि दक्षिण एसियामा सबैभन्दा बढी छ । यहाँ कोरोना संक्रमितको संख्या ५ हजार ९ सय १६ पुगेको छ । पछल्लो २४ घण्टामा मात्रै यहाँ ५ सय ६५ जना नयाँ संक्रमित थपिएका छन् । यस्तै भारतमा ५ सय ६ जना उपचारपछि स्वस्थ्य भएका छन् । 
भारतपछि कोरोनाको संक्रमणबाट मर्नेको संख्या पाकिस्तानमा बढी छ । पाकिस्तानमा अहिलेसम्म ६१ जनाको ज्यान गएको छ । थप २ सय २८ जना नयाँ संक्रमित थपिएसँगै पाकिस्तानमा संक्रमितको कुल संख्या ४ हजार २ सय ६३ पुगेको छ । 
यस्तै बंगलादेशमा कोरोना संक्रमणबाट २० जनाको मृत्यु भएको छ भने २ सय १८ जना संक्रमित भएका छन् । वितेको २४ घण्टामा यहाँ ३ जना मृतक थपिएका हुन् । 
यसैगरी अर्को दक्षिण एसियाली मुलुक श्रीलंकामा कोरोनाका कारण अहिलेसम्म ७ जनाले ज्यान गुमाएका छन् भने १ सय ८९ जना संक्रमित छन् । 
दक्षिण एसियाली मुलुक माल्दिभ्स, नेपाल र भुटानमा कोरोना संक्रमितको संख्या केही दिन यता निरन्तर स्थिर अवस्थामा छ । यी तीन मुलकमा अहिलेसम्म एकजनाको पनि मृत्यु भएको छैन । 
कोरोना संक्रमणबाट माल्दिभ्समा अहिले सम्म १९ जना संक्रमित भइसकेका छन् । नेपालमा कोरोना संक्रमित ९ जना रहेकोमा एक जना उपचार पछि निको भएका छन् भने अहिले सम्म ५ जना संक्रमित भएका छन् भने दुईजना उपचारपछि निको भएका छन् ।