भीमफेदी कारागार नै ‘क्वारेन्टाईन’

२७ चैत, हेटौंडा । कोरोना संक्रमणको जोखिम रोक्न संवेदशिल क्षेत्र मानिने मकवानपुरको भीमफेदी कारागारलाई नै ‘क्वारेन्टाईन’ को रुपमा लिईएको छ । 
कोरोनाको जोखिम रोक्न कारागारलाई नै क्ववारेन्टाईनको रुपमा लिंदै उच्च सर्तकता अपनाईएको छ । कारागारमा हरेक कैदिबन्दीलाई दिन विराएर तापक्रम जाँच गर्ने गरिएको छ । विगतमा सामान्य रुपमा हुने गरेको कैदिबन्दी र आफन्तबीचको भेट कोरोना जोखिमका कारण बन्द गरिएको कारागार प्रमुख प्रकाश खनालले बताए ।
कारागारमा आवातजावतमा कडा निगरानी गरिएको छ । कारागारका कर्मचारी बाहिर गएर आउँदा हात धुने, स्यानेटाईजर प्रयोग गर्ने, तापक्रम जाँच गर्ने लगायतका प्रक्रिया पुरा गर्नुपर्ने व्यवस्था मिलाईएको छ । कैदीबन्दीको स्वास्थ्यमा उच्च प्राथमिकता दिईएको छ । संक्रमण फैलिए राख्नका लागि २० बेडको क्वारेन्टाईन समेत तयारी अवस्थामा रहेको प्रमुख खनालको भनाई छ ।
कारागारले कोरोनाविरुद्ध गरेको कडाई सन्तोषजनक छ । तर ठूलो संख्यामा कैदीबन्दी एकैठाउँमा रहने हुँदा एकजनामा संक्रमण फैलिए सर्ने जोखिम अत्याधिक हुने भएकाले निरन्तर सतर्कता अपनाउनु जरुरी छ । ११ सय जना क्षमताको भीमफेदी कारागारमा अहिले ९ सय ५१ कैदीबन्दी रहेको छ ।