मकवानपुरे दलहरुको चुनावी एजेण्डा : २० तल्ले टावर देखि सुरुङ मार्गसम्म

१ वैशाख, हेटौँडा । बैशाख ३१ गते हुने स्थानीय तहको निर्वाचनमा मकवानपुरबाट निर्वाचनमा प्रतिस्पर्धा गर्ने मकवानपुरका दलहरुले आफ्ना दलीय एजेण्डाहरुमा २० तल्ले टावर देखि सुरुङ मार्गसम्मको विषयलाई समेटेका छन् ।
रेडीयो थाहा सञ्चारले हेटौँडामा आयोजना गरेको स्थानीय निर्वाचनमा दलहरुको एजेण्डाको विषयको कार्यक्रममा बोल्दै मकवानपुरे दलका प्रमुख राजनीतिक दलका नेताहरुले निकै महत्वकांक्षी योजनाहरु प्रस्तुत गरेका छन् । कर्यक्रममा दलहरुले आफ्ना विशेष योजनाहरु सुनाएका छन् ।

विष्णु लामिछाने : कार्यवाहक सभापति, नेपाली कांग्रेस मकवानपुर

– गाउँपालिका र नगरमा ज्येष्ठ नागरिकका लागि सुविधा सम्पन्न बृद्धाश्रमको व्यवस्था
– एक गाउँ, एक प्राविधिक शिक्षा
– जिल्लालाई पर्यटन नगरि बनाउने
– सुविधा सम्पन्न अस्पतालको स्थापना
– जग्गा प्लटीङको अन्त्य, एकिकृत बस्ति विकास
– सडक सुविधालाई बढाउने

मुनु सिग्देल : अध्यक्ष, नेकपा एमाले मकवानपुर
– प्रत्येक गाउँपालिकामा प्राविधिक शिक्षा, पूर्ण निशुल्क शिक्षाको ब्यवस्था 
– प्रत्येक गाउँपालिकामा आन्तरिक पर्यटन उद्योगको स्थापना, उत्तरी मकवानपुरलाई नेपालकै ठुलो पर्यटकीय स्थल बनाउने
– जिल्लाभर सुविधासम्पन्न सडक विस्तार
– एक गाउँ एक उत्पादन
– सुविधासम्पन्न एकिकृत बस्ती विकासको योजना
– हेटौँडालाई नमुना सहरको रुपमा विकासको योजना
– महिलाहरुलाई स्थानीय तहको प्रमुख स्थानमा लैजाने

प्रेमबहादुर पुलामीः संयोजक, नेकपा माओवादी केन्द्र मकवानपुर
– सबै गाउँपालिकामा प्राविधिक शिक्षा
– सके रोजगारी, नत्र बेरोजगार भत्ता
– किसानलाई कृषि पेन्सन
– भिमफेदी–कुलेखानी सुरुङ मार्ग
– फ्रि वाईफाई तथा आन्तरिक पर्यटन उद्योग
– जिल्लाभरी सुविधासम्पन्न सडक सञ्जाल

रामहरी न्यौपाने : अध्यक्ष राप्रपा मकवानपुर
– हेटौँडामा चक्रपथको निर्माण
– ३ सय शैयाको अस्पताल निर्माण
– औद्योगिक क्षेत्र स्थापनामा पहल
– गाउँपालिकामा प्राविधिक शिक्षा
– सुविधा सम्पन्न सडक सञ्चालन

भिमसेन महत : सचिव, नेकपा माले मकवानपुर
– हेटौँडा नगरलाई पर्यटकीय विकासको लागि २० तल्ले भ्यु टावर निर्माण गरिने छ ।
– रापती खोलाको चौकिटोलबाट बसामाडी लेबट सम्म बाँध बाँधेर उक्त क्षेत्रमा एकिकृत बस्ती र पर्यटकीय क्षेत्र बनाईने
– जिल्लालाई पर्यटकीय योजना बनाउनको लागि गुरुयोजना निर्माण, गुम्वाडाँडालाई कलाको पर्यटकीय स्थाल बनाउने
– सुविधासम्पन्न अण्डरग्राउण्ड पार्कीङको सुरुवात

विवेक वाईवा : जिल्ला सहसंयोजक, नयाँ शक्ति पार्टी मकवानपुर
– पर्यटनको विकासको लागि नयाँशक्तिले जिल्लाको आन्तरिक र वाह्य पर्यटन विकासको लागि योजनाहरु निर्माण गर्ने
– शिक्षा तथा स्वास्थको क्षेत्रमा विशेष प्याकेजहरुको योजना लागु गरिने
– जिल्लालाई औद्योगिक क्षेत्र बनाउनको लागि पहल गर्नेछौ
– सात प्रदेशमा सात मेघा प्रोजेट स्थापना गर्ने योजना अनुसार मकवानपुरमा मेघा प्रोजेटको सुरुवात